బాత్రూంలో 11 అడుగుల కింగ్​ కోబ్రా.. స్థానికులు హడల్​!

king cobra in shivamogga: కర్ణాటకలోని శివమొగ్గ జిల్లా కేరెకొప్ప గ్రామంలో సోమవారం ఓ కింగ్​ కోబ్రా కలకలం సృష్టించింది. అనంద్​ గాయకర్​ అనే వ్యక్తి ఇంటి బాత్రూంలో 11 అడుగుల కోబ్రా ఉన్నట్లు గుర్తించి.. స్నేక్​ క్యాచర్లకు సమాచారం అందించాడు. భారీ కోబ్రా వచ్చిందని తెలిసి చుట్టుపక్కల వారు కూడా భయాందోళనకు గురయ్యారు. ఘటనాస్థలానికి చేరుకున్న స్నేక్​ క్యాచర్లు పామును పట్టేందుకు ప్రయత్నించగా ఆ భారీ కోబ్రా దాడికి యత్నించింది. మొత్తానికి అరగంట పాటు శ్రమించి కోబ్రాను పట్టుకున్నాక గ్రామస్థులు ఊపిరి పీల్చుకున్నారు. పామును సమీపాన ఉన్న అడవుల్లోకి వదిలేశారు.