ఇరాక్​: కళాశాలలు వీడి రోడ్లపైకి విద్యార్థులు - ఇరాక్​ నిరసనలు

ఇరాక్​లోని విద్యార్థులు నిరసన బాట పట్టారు. కళాశాలలను వీడి... ప్రభుత్వానికి వ్యతిరేకంగా జరుగుతున్న ఆందోళనల్లో పాల్గొన్నారు. దేశంలో నెలకొన్న అవీనితి, నిరుద్యోగం వంటి సమస్యలకు బాధ్యత వహించి ప్రభుత్వంలోని నేతలు రాజీనామా చేయాలని డిమాండ్​ చేశారు. తెల్లదుస్తులు, మాస్కులు ధరించి శాంతియుతంగా ప్రభుత్వానికి వ్యతిరేకంగా నినాదాలు చేశారు. ఇరాక్​లో గత నెల రోజులుగా ఆందోళనలు జరుగుతున్నాయి. ఇప్పటి వరకు జరిగిన హింసాత్మక ఘటనల్లో దాదాపు 250మంది పౌరులు ప్రాణాలు కోల్పోయారు.