'కొలంబస్'కు నిరసన సెగ- విగ్రహం ధ్వంసం

ఆఫ్రో-అమెరికన్​ జార్జ్​ ఫ్లాయిడ్​ మృతికి నిరసనగా చేపడుతున్న ఆందోళనల్లో విగ్రహాల విధ్వంసం కొనసాగుతోంది. అమెరికా వర్జీనియా రాష్ట్రం రిచ్​మండ్​లో క్రిస్టఫర్​ కొలంబస్​ ప్రతిమను ధ్వంసం చేశారు కొందరు నిరసనకారులు. బైర్డ్​పార్క్​లోని కొలంబస్​ శిల్పాన్ని పెకిలించి.. సమీపంలోని నీటి సరస్సులో పడేరారు. 'జాతి సంహారానికి కొలంబస్ ప్రతీక' అని గోడపై రాశారు. అమెరికాను కనుగొన్న కొలంబస్​ జ్ఞాపకార్థం.. రిచ్​మండ్​లో 1927 డిసెంబర్​లో ఈ ప్రతిమను ప్రతిష్ఠించారు. ఇది అగ్రరాజ్యంలో తొలి కొలంబస్​ విగ్రహం.