యాంగ్జీ నది ఉగ్రరూపంతో చైనా గజగజ - చైనా వరదలు 2020

చైనాలోని యాంగ్జీ నదిలోకి వరద నీరు పోటెత్తింది. దీంతో నైరుతి ప్రాంతంలోని ఛాంగ్​ఖింగ్​కు భారీగా వరద నీరు చేరుకుంది. 1981 అనంతరం ఈ స్థాయిలో వరద నీరు ప్రవహరించడం ఇదే తొలిసారి అని అధికారులు తెలిపారు. ఈ నేపథ్యంలో ఛాంగ్​ఖింగ్​తో పాటు పరిసర ప్రాంతాల్లో అత్యవసర పరిస్థితిని ప్రకటించారు. వరద ఉద్ధృతి నేపథ్యంలో ఇప్పటివరకు 1,28,000మందిని లోతట్టు ప్రాంతాల నుంచి సురక్షిత ప్రదేశాలకు చేర్చారు. మరోవైపు హుబే రాష్ట్రంలో యాంగ్జీ నదిపై కట్టిన ప్రపంచంలోనే అతిపెద్ద హైడ్రోఎలక్ట్రిక్​ స్టేషన్ ఉన్న '3 గోర్జెస్​ డ్యామ్​'లోకి తొలిసారిగా భారీ స్థాయిలో వరద నీరు చేరుకోనుంది.