ఐరోపాలో భానుడి భగభగలు- ప్రజల ఇక్కట్లు - ఎండ తీవ్రత

భానుడి ప్రతాపానికి ఐరోపా ప్రజలు తీవ్రంగా ఇబ్బంది పడుతున్నారు. ముఖ్యంగా ఫ్రాన్స్​, జర్మనీ దేశస్థులు ఉక్కిరిబిక్కిరి అవుతున్నారు. వేడిగాలుల నుంచి ఉపశమనం పొందడానికి తపిస్తున్నారు. ఐస్​ క్యూబ్​ తొట్టెలను, నీటి కొలనులను ఆశ్రయిస్తున్నారు. ఫ్రాన్స్​లో ఉష్ణోగ్రతలు 40 డిగ్రీలు దాటుతాయన్న వార్తలతో ప్రజలు భయాందోళనకు గురవుతున్నారు. వేడిగాలులకు అల్లాడిపోతున్నారు. ఇలాంటి పరిస్థితుల్లో నిరాశ్రయులను రెడ్​ క్రాస్​ వాలంటీర్​లు ఆదుకుంటున్నారు. నీళ్ల సీసాలను పంపిణి చేసి వారి దాహాన్ని తీరుస్తున్నారు.