దీపకాంతులతో చైనా ముస్తాబు... ఎక్కడ చూసినా అందాలే! - spring festival

స్ప్రింగ్​ ఫెస్టివల్​ కోసం చైనా ముస్తాబవుతోంది. వేడుకల్లో భాగంగా జిగాంగ్​ నగరంలో చైనా సంప్రదాయ 'మైనర్​ న్యూ ఇయర్​ డే' పండుగను ఘనంగా నిర్వహిస్తున్నారు. 26వ జిగాంగ్​ అంతర్జాతీయ డైనోసార్​ ల్యాంటర్న్​ వేడుకలు శుక్రవారం అట్టహాసంగా ప్రారంభమయ్యాయి. చైనా ప్రజలు అనుసరించే లూనార్​ ఇయర్​లో చివరి మాసంలోని 23వ రోజున ఈ వేడుకలు జరుపుకుంటారు. నగరమంతా రంగు రంగుల దీపకాంతులో ముస్తాబైంది. నడిచే దారి, ఎత్తైన భవనాలు, కనిపించే ప్రతీదీ రంగు రంగుల కాంతులు చూపరులను మైమరపించాయి. లైటింగ్​ ఏర్పాటు చేసిన 500డ్రోన్​ కెమేరాలు విశేషంగా ఆకట్టుకున్నాయి. వీటిని చూడటానికి ప్రజలు భారీగా తరలివస్తున్నారు.