పండగ పూట ఫుల్​గా తాగి బ్రిడ్జ్​పైకి.. ఇరుక్కుపోయి హల్​చల్​! - ఉత్తరాఖండ్ తాజా వార్తలు

Drunken Youth Stuck at Bridge: ఉత్తరాఖండ్​, కోట్​ద్వార్​లో హోలీ పండగ పూట ఫుల్​గా మద్యం తాగాడు ఓ యువకుడు. తాగిన మైకంలో కోట్​ద్వార్​​లోని బ్రిడ్జి పిల్లర్​పైకి ఎంచక్కా ఎక్కేశాడు. అయితే ఆ తర్వాత కిందకు దిగేందుకు నానా అవస్థలు పడ్డాడు. అయినా దిగలేక పోయాడు. అయితే కొద్దిసేపటివరకు ఎవరూ అతడ్ని పట్టించుకోలేదు. దీంతో కొద్దిసేపటితర్వాత రక్షించండి అంటూ పెద్దగా కేకలు వేయడం మొదలు పెట్టాడు. యువకుడి కేకలు విన్న స్థానికులు పోలీసులకు సమాచారం ఇచ్చారు. ఘటనాస్థలికి చేరుకున్న ఎన్డీఆర్​ఎఫ్ సిబ్బంది.. యువకుడ్ని తాడు సాయంతో సురక్షితంగా కిందకు తీసుకొచ్చారు. దీంతో అక్కడున్నవాళ్లు ఊపిరి పీల్చుకున్నారు.