Live Video: పాములకు రాఖీ కట్టేందుకు యత్నం- వ్యక్తి మృతి - రక్షా బంధన్​

రక్షా బంధన్(raksha bandhan)​ రోజున ఓ వ్యక్తి అత్యుత్సాహం అతని ప్రాణాలు పోయేలా చేసింది. బిహార్​ సారణ్​​ జిల్లాలోని మాంజీ సీతల్​పుర్​ గ్రామానికి చెందిన మన్మోహన్​ అలియాస్​ భూవర్​ అనే వ్యక్తి పాములు పడుతూ జీవనం సాగిస్తున్నాడు. పాము కాటుకు(Snake bite) గురైన వారికి చికిత్స చేయటంలో చుట్టుపక్కల మంచి పేరుంది. రక్షా బంధన్​ రోజున స్థానికుల సమక్షంలో పాములకు రాఖీ కట్టే సాహసానికి పూనుకున్నాడు. రెండు విష సర్పాలను పట్టుకుని రాఖీ కట్టి, వాటిని దీవించే క్రమంలో ఓ పాము కాలిని కరిచింది. నిర్లక్ష్యం చేయటం వల్ల చికిత్స పొందుతూ మృతి చెందాడు. అయితే.. ఎంతో మందికి నయం చేసిన మన్మోహన్​.. అదే పాము కాటుకు బలవటంపై ఆశ్చర్యం వ్యక్తం చేశారు స్థానికులు. ఈ దృశ్యాలు సామాజిక మాధ్యమాల్లో వైరల్​గా మారాయి.