'నాకు కరోనాతో భయం లేదు.. ఆ ఫ్యాన్ తోనే!' - కరోనా రోగికి చికిత్సలో లోపాలు
మధ్యప్రదేశ్ ఛింద్వాడాలోని ఆసుపత్రిలో చికిత్స పొందుతున్న ఓ కరోనా రోగికి విచిత్రమైన బాధ వచ్చిపడింది. తన పడక వద్ద తిరుగుతున్న సీలింగ్ ఫ్యాన్ వల్ల ప్రాణాలకు ముప్పుందని వాపోతూ అతను పోస్టు చేసిన ఓ వీడియో సామాజిక మాధ్యమాల్లో వైరల్గా మారింది. దాన్ని మార్చమని అధికారులకు విజ్ఞప్తి చేసినప్పటికీ పట్టించుకోట్లేదని తెలిపాడు. 'నేను కరోనా వైరస్కు భయపడట్లేదు.. ఈ ఫ్యాన్ని చూసి భయపడుతున్నా(కరోనా సే ఢర్ నహీ లగ్తా సాబ్, ఫ్యాన్ సే లగ్తా హై) నన్ను వేరే బెడ్కి మార్చండి'' అని వేడుకుంటున్నాడు.