అగ్గిపుల్లలతో యుద్ధ ట్యాంక్​- ఔరా అనిపించే ఆర్ట్​! - అగ్గిపుల్లలతో ఆర్ట్​

సైనిక దినోత్సవాన్ని పురస్కరించుకుని.. ఓ యువకుడు అగ్గిపుల్లలతో తయారు చేసిన యుద్ధ ట్యాంకు ఆకట్టుకుంటోంది. ఒడిశాలోని పూరికి చెందిన శస్వత్ రంజన్​ సాహో‌ అనే యువ కళాకారుడు.. 2వేల 254 అగ్గిపుల్లలను ఉపయోగించి యుద్ధ ట్యాంకు రూపొందించాడు. భారత ఆర్మీ శౌర్యాన్ని, ధైర్య సాహసాలను గుర్తు చేసుకోవటానికి అగ్గిపుల్లలతో ఈ యుద్ధ ట్యాంకు తయారు చేశానని శస్వత్‌ తెలిపాడు. దీని తయారీకి 6 రోజుల సమయం పట్టిందన్నాడు. 9 అంగుళాల ఎత్తు, 8 అంగుళాల వెడల్పుతో యుద్ధ ట్యాంకు తయారు చేశానని చెప్పాడు.