తడిసి ముద్దవుతున్నా ఆగని 'పవార్'​ ప్రచార జోరు..!

వానలో తడుస్తూ ఎన్నికల ప్రచారం నిర్వహించారు ఎన్​సీపీ అధినేత శరద్​ పవార్. మహారాష్ట్ర సతారాలో శుక్రవారం రోజు బహిరంగ సభలో ప్రసంగిస్తుండగా భారీ వర్షం మొదలైంది.. అయినా వేదికపై నుంచి దిగలేదు. 78 ఏళ్ల పవార్​​ వర్షంలో పూర్తిగా తడిసిపోయినా ప్రసంగం ఆపలేదు. అక్టోబర్​ 21న జరగనున్న ఎన్నికల్లో విజయం సాధించేందుకు వరుణుడు కూడా ఆశీర్వదిస్తున్నాడని చెప్పుకొచ్చారు ఎన్సీపీ అధినేత​. 2019 సార్వత్రిక ఎన్నికల్లో భాజపాను గెలిపించి పొరపాటు చేశారని, కానీ ఈ సారి ప్రజలు అప్రమత్తంగా ఉన్నారని వ్యాఖ్యానించారు.