లైవ్ వీడియో: వాహనదారుడి తలపై నుంచి దూసుకెళ్లిన ట్రక్కు
మధ్యప్రదేశ్లోని బైతూల్ జిల్లాలో శుక్రవారం దారుణం జరిగింది. మలుపు తిరుగుతుండగా అదుపు తప్పి పడిపోయిన ఓ ద్విచక్రవాహదారుడి తలపై నుంచి ట్రక్కు దూసుకెళ్లింది. ఈ దుర్ఘటనలో బైకర్ ప్రాణాలు కోల్పోయాడు. రోడ్డుపైన నీళ్లు ఉండటమే ఈ ప్రమాదానికి కారణంగా తెలుస్తోంది. మలుపు తిప్పే సమయంలో బైక్ మీద ఉన్న వ్యక్తి కాస్త వేగంగా బండిని నడిపినట్టు దృశ్యాల్లో కనిపిస్తోంది. బాధితుడు రాఠీపుర్కు చెందిన ప్రశాంత్గా పోలీసులు గుర్తించారు. ఈ ఘటనపై కేసు నమోదు చేసిన పోలీసులు ట్రక్కు డ్రైవర్ను అరెస్ట్ చేశారు.