భజన చేస్తూ స్టేజీపైనే ప్రాణాలొదిలిన బాబా - BABA NEWS TODAY

కీర్తంకర్​ తాజుద్దిన్​ బాబా.. కీర్తన పాడుతూ ప్రాణాలు కోల్పోయారు. ఆ సమయంలో ఆయనకు గుండెపోటు రాగా.. స్టేజీపైనే కుప్పకూలారు. క్షణాల్లో తుదిశ్వాస విడిచారు. మహారాష్ట్ర జాల్నా జిల్లా బోధ్లాపుర్​కు చెందిన ఆయన.. నందుర్బార్​లోని జమ్దే గ్రామంలో ప్రదర్శన చేసేందుకు వెళ్లారు. హిందూ- ముస్లిం మధ్య విభేదాలను తొలగించి, ప్రజల్లో అవగాహన కలిగించేలా ఆయన ప్రదర్శనలు ఇస్తుంటారు. బాబాకు హార్ట్​ ఎటాక్​ వచ్చిన సమయంలో.. ఓ వ్యక్తి వీడియో తీసి సామాజిక మాధ్యమాల్లో పోస్ట్​ చేశారు. ​దీంతో.. బాబా మరణం పట్ల పలువురు సంతాపం ప్రకటిస్తున్నారు.