నీట మునిగిన గుడిలో పూజారి ప్రార్థనలు - నీట మునిగిన ఆలయంలో పూజారి ప్రార్థనలు

కర్ణాటకలోని ఓ పూజారి వరదలను కూడా లెక్కచేయకుండా గుడిలో పూజలు చేస్తున్నారు. ఇటీవల కురిసిన భారీ వర్షాలకు బీమా నది పొంగి.. కలబురగి పరిధిలోని ఫిరోజాబాద్​ గ్రామం నీట మునిగింది. చాలా ఇళ్లు సహా స్థానికంగా పేరున్న మహాలక్ష్మి మందిర్​ కూడా వరద నీటిలోనే చిక్కుకుంది. అయితే ఆ ఆలయ పూజారి హనుమంత మాత్రం ప్రతిరోజులాగే తన విధి నిర్వర్తిస్తున్నారు. నీటిలో ఈదుకుంటూ వెళ్లి మహాలక్ష్మి, అంబిగర చౌడయ్య విగ్రహాలకు పూజలు నిర్వహిస్తున్నారు. ఇలా వర్షాకాలంలోనూ పూజలు ఆపకపోవడంపై స్థానికులు పూజారిపై ప్రశంసలు కురిపిస్తున్నారు.