ఫ్రూట్స్​ అమ్మడంలో ఈ 'బనానా డాన్సర్​' రూటే సెపరేటు! - వైరల్ న్యూస్​

Banana Seller Viral Dance Video: మహారాష్ట్ర పుణెలో ఓ అరటి పండ్ల వ్యాపారి అందరి దృష్టిని ఆకర్షిస్తున్నాడు. రోడ్డుపై నృత్యం చేస్తూ పండ్లు విక్రయిస్తున్నాడు. మెడలో ప్రైస్ ట్యాగ్ ధరించి, చేతులు, తలపై అరటి గెలలు మోస్తూ పండ్లు కొనాలని బాటసారులను అడుగుతున్నాడు. ఇందుకు సంబంధించిన వీడియో సామాజిక మాధ్యమాల్లో వైరల్​ అయింది. కరోనా మొదటి దశలో ఉద్యోగం కోల్పోయిన అనంతరం అరటి పండ్ల వ్యాపారంలోకి అడుగు పెట్టాడు నామ్​దేవ్ మానే. ఈ పని చేస్తూ కుటుంబాన్ని పోషిస్తున్నాడు. ఇతని డాన్స్ చూసి స్థానికులు కూడా పండ్లు కొనేందుకు ముందుకువస్తున్నారు. దీంతో అనతికాలంలో నామ్​దేవ్​ ఫేమస్ అయ్యాడు.