14 అడుగుల కింగ్ కోబ్రా.. 2.5 నిమిషాల హైటెన్షన్.. చివరకు... - king cobra video

కర్ణాటక ఉత్తర కన్నడ జిల్లాలో 14 అడుగుల పొడవు, 9.5 కిలోల బరువున్న కింగ్ కోబ్రాను ఓ వ్యక్తి జాగ్రత్తగా పట్టుకున్నాడు. కుమట మండలం మస్టిహళ్ల గ్రామంలోని గణపు గౌడ పొలం దగ్గర వారం రోజులుగా ఈ భారీ సర్పం కనిపిస్తోంది. అతడి ఇల్లు కూడా అక్కడే ఉన్నందున.. భయంతో అటవీ శాఖ అధికారులకు సమాచారం ఇచ్చాడు. వారు పాములు పట్టే నిపుణుడు పవన్​ నాయికాను తీసుకొచ్చారు. పట్టుకునే సమయంలో కింగ్ కోబ్రా కాటేసేందుకు యత్నించినా.. పవన్​ చాకచక్యంగా రెండున్నర నిమిషాల్లోనే ఆ సర్పాన్ని ఓ సంచిలో బంధించాడు. తర్వాత దేవిమనఘట్ట అడవిలో విడిచిపెట్టాడు.