ఇటుకల మధ్య 12 అడుగుల 'పైథాన్'.. కూలీలు హడల్​!

python rescue: గుజరాత్​లోని వడోదరాలో 12 అడుగులు భారీ పైథాన్​ను శనివారం కాపాడింది వైల్డ్​లైఫ్​ రెస్క్యూ బృందం. ఓ భవన నిర్మాణం జరుగుతున్న ప్రాంతంలో ఇది కనిపించింది. భారీ కొండ చిలువను చూసి కూలీలు పరుగులు పెట్టారు. పైథాన్​ గురించి సమాచారం అందిన వెంటనే అక్కడికి చేరుకుని రక్షించి.. అటవీ శాఖకు అప్పగించినట్లు జంతువులపై దాడుల నియంత్రణ సంస్థ సభ్యుడు రాజ్​భవ్సార్​ తెలిపారు. మహారాష్ట్రలోని నాసిక్​లో జరిగిన మరో సంఘటనలో బావిలో పడిన 2 అడుగుల పొడవైన కోబ్రాను రక్షించారు ప్రైవేటు వైల్డ్​లైఫ్​ రీసర్చ్​​ ఆర్గనైజేషన్​ సభ్యులు. దానిని అటవీ ప్రాంతంలో వదలిపెట్టినట్లు చెప్పారు.