ఫిట్గా ఉండటానికి ప్రతిఒక్కరు ఇష్టపడతారు. అందుకే ఈ మధ్య హెవీ ఇంటెన్సిటీ ట్రైనింగ్(హిట్) పేరుతో ట్రెండ్ను ఫాలో అవుతున్నారు. ఈ క్రమంలోనే అతితక్కువ సమయంలో ఎక్కువ మొత్తంలో కేలరీలు తగ్గే కఠిన వ్యాయామాలు చేస్తుంటారు. 7 మినిట్ వర్కౌట్ పేరుతో చేసే ఈ వ్యాయామాలు శరీరాన్ని ఆరోగ్యకరంగా తయారు చేయడం నిజమే అయినా వీటిని జాగ్రత్తగా చేయాలంటున్నారు నిపుణులు. ఇంతకీ ఆ వ్యాయామాలు ఏంటి? వాటిని వల్ల లాభాలేంటి మొదలైన విషయాలు తెలుసుకుందాం.
గంటల పాటు సమయం వెచ్చించాలని భావించి ఆ ఆలోచనను పక్కన పెట్టేస్తారు. కానీ ఫిట్గా తయారుకావాలంటే గంట కాదు కేవలం ఏడు నిమిషాలు చాలు. అవును.. రోజుకు ఏడు నిమిషాల పాటు ఈ వ్యాయామాలు చేస్తే మీరు సూపర్ ఫిట్ అయిపోతారు. ఇంతకీ అవేంటి?
- జంపింగ్ జాక్స్ - ఈ వ్యాయామం వల్ల మోకాళ్లు, కడుపు, పిరుదులు, చేతుల కండరాలు దృఢంగా మారుతాయి. రోజుకు సెట్కు 30 సెకన్లు చొప్పున మూడు సెట్లు చేయాలి.
- పుషప్స్ -ఈ వర్కౌట్తో ఛాతి కండరాలు, ట్రైసెప్స్ (చేతి వెనుక భాగం) దృఢంగా ఉంటాయి. వాటిని సెట్కు 30 చొప్పున ఐదు సెట్లు చేయాలి.
- ప్లాంక్ - ఈ వ్యాయామాన్ని కూడా సెట్కు 30 సెకన్ల చొప్పున ఐదు సెట్లు చేయాలి. ఈ ప్లాంక్ పొజీషన్లో ఉన్నప్పుడు భుజం, పిరుదుల వద్ద కండరాలు బలపడటం సహా పొట్ట తగ్గుతుంది.
- లాంజెస్ - ఈ ఎక్స్ర్సైజ్ను రోజుకు ఐదుసెట్లు చేయాలి. ఇందులో భాగంగా సెట్లో కనీసం 30 సెకన్లు ఆ పొజీషన్లో ఉండాలి. అయితే ఇవి చేసేటప్పుడు చాలా జాగ్రత్తగా వ్యవహరించాలని సూచిస్తున్నారు నిపుణులు. ఈ వ్యాయామంతో తొడ, పిక్కలు, వీపు దగ్గరి కండరాలు దృఢంగా మారుతాయి.
ఇదీ చూడండి :మీ పిల్లల్ని తరచూ తలనొప్పి వేధిస్తుందా.. చెక్ పెట్టేయండిలా..
