Salt consume per day: కూరలో రుచి మరింత కావాలన్నా.. పెరుగుతో తినేటప్పుడు ఉప్పు కాస్త వేసుకోవడానికి చాలా మంది ఇష్టపడతారు. గతంలో ఉప్పుతింటే అధిక రక్తపోటు వస్తుందని అందరూ భావించారు. ఇప్పుడు ఉప్పుతో మధుమేహం కూడా వస్తుందని పరిశోధకులు స్పష్టం చేస్తున్నారు. ఉప్పు ఎక్కువగా తినే వారికి మధుమేహం గణనీయంగా వస్తున్నట్టు తేలింది.
ఎలా బయట పడిందంటే..
తీపి పదార్థాలు, చక్కెర, పండ్లరసాలతో మధుమేహం వస్తుందని భావించారు. ఇప్పుడు అధికంగా ఉప్పు వినియోగించడంతోనూ మధుమేహం వస్తుందని స్టాక్‌హోంలోని కరోలిన్‌స్కా ఇన్‌స్టిట్యూట్‌ ఆధ్యయనంలో స్పష్టంగా తేలింది. రోజుకు రెండు చెంచాలు తీసుకునే వారిలో 72 శాతం ఎక్కువగా ఉన్నట్టు బయట పడింది.
ఇన్సులిన్‌కు అడ్డు
ఉప్పు ఎక్కువగా తీసుకోవడంతో మధుమేహంతో బాధపడేవారి సంఖ్య పెరుగుతోంది. ఉప్పు ఇన్సులిన్‌కు అడ్డుకట్ట వేయడంతో మధుమేహానికి దారి తీస్తున్నట్టు చెబుతున్నారు. అధిక ఉప్పుతో రక్తపోటు, అధిక బరువు పెరగడంతో మధుమేహం వస్తుందని పరిశోధకులు పేర్కొంటున్నారు. అధిక రక్తపోటు, మధుమేహం జంట శత్రువులు, ఇవి గుండె జబ్బులకు కారణం కావొచ్చు