ఉల్లి కోస్తున్నప్పుడు మనల్ని ఏడ్పించినా..అది కలిగించే ప్రయోజనాలెన్నో ఉన్నాయి. చాలా తక్కువ ధరతో దొరుకుతుంది. మెండుగా పోషక విలువలతో నిండి ఉండి ఆరోగ్యాన్ని పదిలం చేయడంలో ఉల్లి దానికదే సాటి. కూరగాయల్లో దేనికి కూడా దీనిలో ఉన్న పోషక విలువలుండవు అనటంలో సందేహం లేదనే చెప్పాలి.
ఉల్లిపాయ ఉపయోగాలు
ఉల్లిలో ఉండే పోషకాలు
- ఐరన్
- సల్ఫర్
- రాగి
- ఫైబర్
- పొటాషియం
- విటమిన్ బి, సిలు సమృద్ధిగా ఉంటాయి
ఉల్లి ప్రయోజనాలు:
- శరీరంలో ముఖ్య భాగాలకు ఎక్కువ ఆక్సిజన్ సరఫరా చేసేందుకు ఉపయోగపడుతుంది.
- ఎర్ర రక్తకణాల ఉత్పత్తిని ఉత్తేజపరుస్తుంది.
- మనలోని శక్తి సామర్థ్యాలు మెరుగుపరిచి కణాల వృద్ధికి దోహదపడుతుంది.
- పొటాషియం సమృద్ధిగా లభిస్తుంది.
- రక్తహీనతతో బాధపడేవారికి ఉల్లి ఎంతో మంచిది.
- శరీరంలోని కొవ్వును తగ్గించేందుకు ఉల్లి చక్కగా ఉపయోగపడుతుంది.
- ఉల్లిలో ఉండే రిడక్టేజ్ అనే ఎంజైమ్ కొవ్వు ఉత్పత్తిని నియంత్రించేందుకు దోహదం చేస్తోంది
- గుండెకు సంబంధించిన వ్యాధులు, గుండె పోటు రాకుండా తక్కువ స్థాయి కొవ్వుతో శరీరాన్ని నియంత్రిస్తుంది.
- శరీరంలో నైట్రిక్ ఆక్సైడ్ విడుదలను ప్రోత్సహిస్తుంది(దీని వల్ల అధిక రక్తపోటు స్థాయిని ప్రభావితం చేస్తుంది).
- దంత సంబంధ క్రిములను నాశనం చేస్తుంది.
- ఉల్లిలో ఉండే కాల్షియం ఎముకలలో సాంద్రత పెంచుతుంది.
- మెదడుకు ఒత్తిడి తగ్గిస్తుంది.
- ఉల్లిపాయ నిద్రలేమి సమస్యలను నయం చేయటంలో ఎంతో ఉపయోగపడుతుంది.
- పైల్స్ నివారణకు ఎంతో ఉపయోగపడుతుంది.
పళ్లకు ఎంతో ఉపయోగకరం
దంతక్షయాన్ని, దంత సమస్యలను నివారించడంలో ఉల్లిపాయ మేటి. పచ్చి ఉల్లిపాయ ముక్కలను నోట్లో వేసుకొని 2-3 నిముషాలు నమలడం వల్ల నోటిలో ఉన్న హానికర క్రిములన్నీ నశిస్తాయి. పంటినొప్పితో బాధపడే వాళ్లకు ఇదొక దివ్యౌషధమనే చెప్పాలి. ఆ పంటి కింద చిన్న ఉల్లిగడ్డను ఉంచుకుంటే కాసేపటికి ఆ నొప్పి తగ్గుతుంది.
క్యాన్సర్ నివారణ:
ఉల్లిపాయలు క్యాన్సర్ కణాల అభివృద్ధిని అడ్డగించేందుకు ఉల్లిపాయ ఎంతో తోడ్పడుతుంది. రోజుకో ఉల్లిపాయ తిని ఇటువంటి సమస్యలు రాకుండా కాపాడుకోవచ్చు.
పొట్ట నొప్పి నుంచి ఉపశమనం:
ఉల్లిపాయలలో యాంటీ ఇన్ఫ్లమేటరీ, యాంటీ బ్యాక్టీరియల్ లక్షణాలు పుష్కలంగా ఉంటాయి. అందుకే ఉల్లిని తినడం వల్ల స్టమక్ అప్ సెట్ నుంచి ఉపశమనం పొందవచ్చు. మనల్ని అత్యంత ఎక్కువగా ఇబ్బంది పెట్టే గ్యాస్ట్రో సిండ్రోమ్ సంబంధిత నొప్పుల నుంచి ఉపశమనం కలిగిస్తుంది.