Health Benefits of Neem Leaves :వేప చెట్టు అనగానే ఉదయం పళ్లు తోముకోడానికి వేప పుల్లలు, ఉగాది పచ్చడిలో వేసుకోవడానికి వేప పువ్వు ఉపయోగిస్తామనే విషయాలు మాత్రమే చాలా మందికి తెలుసు. కానీ.. వేపాకుల(Neem Leaves)తో కూడా బోలెడు ఆరోగ్య ప్రయోజనాలున్నాయని మీకు తెలుసా..? ఈ విషయం మేము చెప్పడం లేదు.. ఆరోగ్య నిపుణులే స్పష్టం చేస్తున్నారు. పూర్వం నుంచే ఎన్నో ఔషధ గుణాలున్న దీనిని వివిధ వ్యాధుల చికిత్సల్లో, మందుల తయారీలో ఉపయోగిస్తున్నారంటున్నారు. ఆ వివరాలు ఇప్పుడు చూద్దాం..
Neem Leaves Benefits :వేపచెట్టును 'ఔషధ చెట్టు' అని కూడా అంటారు. వేపాకుల నుంచి మొదలు పువ్వులు, గింజలు, వేర్లు, బెరడు.. ఇలా అన్నింటీ ద్వారా ఎన్నో హెల్త్ బెనిఫిట్స్ ఉన్నాయి. చర్మ సంరక్షణకే కాదు ఆహార వంటకాలలో దీనిని ఉపయోగిస్తారు. అయితే చాలా మందికి ఈ విషయం తెలియక పెరట్లోనే ఉన్నా దీని ఆకులను పూర్తి స్థాయిలో యూజ్ చేసుకోరు. అలాంటి వారు వేపాకుల ద్వారా కలిగే బెనిఫిట్స్ తెలుసుకున్నారంటే ఇకపై వాటిని వృథాగా పోనివ్వరంటే నమ్మండి! ఇంతకీ ఆ ప్రయోజనాలెంటంటే..?
వేప ఆకులతో కలిగే ఆరోగ్య ప్రయోజనాలు :గొప్ప ఔషధ గుణాలకు ప్రసిద్ధి చెందిన వేపాకులు అనేక రకాల ఆరోగ్య ప్రయోజనాలను అందిస్తాయి. అవేంటంటే..
యాంటీ బ్యాక్టీరియల్, యాంటీవైరల్ లక్షణాలు :వేపాకుల్లో బ్యాక్టీరియా, వైరస్లకు వ్యతిరేకంగా పోరాడే సహజ సమ్మేళనాలు ఉన్నాయి. ఇవి ఇన్ఫెక్షన్లను నివారించడంలో చాలా బాగా సహాయపడతాయి.
యాంటీ ఇన్ఫ్లమేటరీ ఎఫెక్ట్స్ :దీని ఆకులలో ఉండే యాంటీ ఇన్ఫ్లమేటరీ స్వభావం శరీరంలోని వివిధ భాగాలలో మంట, అసౌకర్యాన్ని తగ్గిస్తుంది.
చర్మ ఆరోగ్యం : చర్మానికి ఎంతో మేలు చేస్తాయి. మొటిమలు, తామర వంటి సమస్యలను పరిష్కరిస్తాయి. సాధారణంగా వేపాకులను ఎన్నో చర్మ సంరక్షణ ఉత్పత్తులలో ఉపయోగిస్తారు.
దంత సంరక్షణ : వేపాకులను నమలడం లేదా వేప ఆధారిత టూత్పేస్ట్ ఉపయోగించడం వల్ల చిగుళ్ల వ్యాధులు, కావిటీలను నివారించి నోటి ఆరోగ్యానికి తోడ్పడుతుంది.
రోగనిరోధక శక్తిని పెంచుతుంది : వీటిలో ఉండే యాంటీఆక్సిడెంట్లు రోగనిరోధక వ్యవస్థను బలోపేతం చేయడానికి ఎంతో దోహదం చేస్తాయి. శరీరాన్ని అనారోగ్యాలతో పోరాడటానికి సహాయపడతాయి.
రక్తంలో చక్కెర నియంత్రణ : కొన్ని అధ్యయనాల ప్రకారం.. వేప ఆకులు రక్తంలో చక్కెర స్థాయిలను నియంత్రించడంలో సహాయపడతాయని సూచిస్తున్నాయి. ఇవి మధుమేహం ఉన్న వ్యక్తులకు ప్రయోజనకరంగా ఉంటాయి.
క్యాన్సర్ను నివారిస్తుంది :వేపాకులలో ఉండే యాంటీ ఆక్సిడెంట్లు క్యాన్సర్ కణాల పెరుగుదలను నిరోధించడంలో చాలా బాగా సహాయపడతాయి.
జీర్ణక్రియ మెరుగుపడుతుంది : జీర్ణక్రియ మెరుగుపడడానికి ఈ ఆకులు సహాయపడతాయి. వాటిలో ఉండే యాంటీమైక్రోబయల్ లక్షణాల కారణంగా జీర్ణాశయ అంతర సమస్యలను తగ్గించుకోవచ్చు.