పచ్చి బఠానీలు ఇలా స్టోర్ చేస్తే - ఏడాది కాలం ఫ్రెష్​గా ఉండటం పక్కా!

Green Peas Storage Tips For Long Time : మీకు పచ్చి బఠానీలు అంటే ఇష్టమా..? అయితే వాటిని ఎప్పడు అంటే అప్పుడు వండుకోలేక పోతున్నారా..? మార్కెట్లో దొరికే వాటితో అంత రుచి రావడం లేదా..? అయితే నో వర్రీ. సీజన్​లో దొరికే బఠానీ కాయలను ఈ టిప్స్​ పాటిస్తూ.. ఏడాది పాటు ఫ్రిజ్​లో స్టోర్​ చేసుకోవచ్చు. ఎలానో ఇప్పుడు చూద్దాం..

How to Store Green Peas Fresh for Long Time : పచ్చి బఠానీలు.. అంటే చాలా మందికి ఇష్టం. ఎందుకంటే వీటితో చేసే వంటలైన.. వంకాయ బఠానీ, ఆలూ బఠానీ, పన్నీర్ బఠానీ.. యమరుచిగా ఉంటాయి. అలాగే పచ్చి బఠానీలతో కట్లెట్, కచోరీలు, సమోసా లాంటి స్నాక్స్​ చేసినా సూపర్​గా ఉంటాయి. కేవలం రుచి మాత్రమే కాదు.. వీటిలో పోషకాలు కూడా ఎక్కువే. ముఖ్యంగా విటమిన్ బి6, సి, ప్రొటీన్స్, ఫైబర్, ఫోలిక్ యాసిడ్, ఒమేగా 3 ఫ్యాటీ యాసిడ్స్ పచ్చి బఠానీలలో అధికంగా ఉంటాయి. అందుకే చాలా మంది వీటిని తరచూ తినడానికి ఆసక్తి చూపుతుంటారు. అయితే ఇవి అన్ని కాలాల్లో ఎక్కువగా అందుబాటులో ఉండవు. అందుకే అవి దొరికే కాలంలో ఎక్కువగా కొనుగోలు చేసి.. ఈ టిప్స్ పాటిస్తూ స్టోర్ చేసుకున్నారంటే అవి ఏడాది కాలం పాటు ఫ్రెష్​గా ఉండడం ఖాయం. ఆ తర్వాత మీకు నచ్చినప్పుడు వాటిని వివిధ వంటలలో ఉపయోగించవచ్చు. ఇంతకీ ఆ టిప్స్ ఏంటో ఈ స్టోరీలో తెలుసుకుందాం..

ముల్లంగి ఆకులను పడేస్తున్నారా? ఈ హెల్త్​ బెనిఫిట్స్​ మిస్​ అయినట్లే!
How To Preserve Green Peas For Long Time in Telugu :

• మొదట బఠానీ కాయల నుంచి బఠానీలను వేరు చేసి.. అందులో రంగు మారిన లేదా పాడైపోయిన బఠానీ గింజలు తీసివేయాలి.
• అనంతరం వాటిని ఎక్కువ కాలం స్టోర్‌ చేయడానికి మీరు చేయాల్సిన పని.. వాటిని ఉడకబెట్టడం. ఇలా చేయడం ద్వారా చాలా కాలం ఫ్రెష్​గా ఉంటాయి. ఈ ప్రక్రియను బ్లాంచింగ్​ అంటారు. అందుకోసం మీరు ముందుగా ఒక పాత్ర తీసుకుని అందులో కొన్ని నీళ్లు పోసి.. నీళ్లు మరుగుతున్న సమయంలో బఠానీలను వేసి 2 నిమిషాలు ఉడికించాలి.
• ఆ తర్వాత పచ్చిబఠానీలను వడకట్టి.. వెంటనే ఐస్ వాటర్​లోకి ట్రాన్స్​ఫర్ చేయాలి.
• ఇక బఠాణీలు చల్లారిన తర్వాత ఒక శుభ్రమైన క్లాత్ తీసుకొని వాటిని తుడిచి.. దానిపై తేమ పోయే వరకు ఆరబెట్టాలి. కొంచెం కూడా తడిదనం లేకుండా చూసుకోవాలి.

• ఆ తర్వాత పచ్చి బఠానీలను ఎయిర్​ టైట్ జిప్-లాక్ కంటైనర్​లు, ఫ్రీజర్ సేఫ్ కంటైనర్​లు లేదా హెవీ డ్యూటీ ఫ్రీజర్​ బ్యాగ్​లలో వేసి లాక్ చేయాలి. అయితే కంటైనర్​లో పెద్దమొత్తంలో కాకుండా మీల్ సైజ్ పరిమాణంలో వాటిని పోసుకోవాలి.
• అనంతరం వాటిని ప్యాకేజింగ్ తేదీ ప్రకారం లేబుల్ చేయాలి. అంటే ఆ ప్యాక్​లపై స్టోర్​ చేసిన డేట్​ రాయాలి. ఇలా చేయడం ద్వారా అది బఠానీల తాజాదనాన్ని గుర్తించడానికి ఉపయోగపడుతుంది.
• ఇలా చేసిన పచ్చి బఠానీలను ఫ్రీజర్​లో స్టోర్ చేశారంటే దాదాపు ఏడాది కాలం అవి ఫ్రెష్​గా నిల్వ ఉంటాయి. తర్వాత మీకు నచ్చినప్పుడు వాటితో వంటలు, స్నాక్స్ చేసుకుని ఎంజాయ్ చేయవచ్చు.

బఠానీలను బ్లాంచింగ్ చేయడం వల్ల అనేక ప్రయోజనాలు ఉన్నాయి. అవి ఏంటంటే..

• పోషకాలను కాపాడుతుంది: బ్లాంచింగ్.. బఠాణీలలోని విటమిన్లు, ఖనిజాలు, యాంటీఆక్సిడెంట్లను నిలుపుతుంది. సాధారణ వంటకాలలో ఉడకబెట్టినప్పుడు కొన్ని పోషకాలు నీటిలో కరిగిపోతాయి. బ్లాంచింగ్ వల్ల ఇలా జరగదు.
• రంగును కాపాడుతుంది: బ్లాంచింగ్ ప్రక్రియ.. బఠాణీలకు ఆకర్షణీయమైన ఆకుపచ్చని రంగును ఇస్తుంది. ఇది ఆహారాన్ని మరింత ఆకర్షణీయంగా చేస్తుంది.
• జీర్ణక్రియను మెరుగుపరుస్తుంది: బ్లాంచింగ్.. బఠాణీల బయటి పొరను కొద్దిగా మృదువుగా చేస్తుంది. దీని వల్ల తొందరగా జీర్ణం అవుతుంది. ఇది ముఖ్యంగా పెద్దలకు, జీర్ణ సమస్యలు ఉన్నవారికి ప్రయోజనకరంగా ఉంటుంది.
• ఆహారాన్ని త్వరగా ఉడికించడానికి సహాయపడుతుంది: బ్లాంచింగ్ చేసిన బఠాణీలు వేగంగా ఉడుకుతాయి. కాబట్టి వాటిని వేరే పదార్థాలతో వేగంగా వండుకోవచ్చు. ఇది వంట సమయాన్ని ఆదా చేస్తుంది.
• ఫ్రీజర్‌లో నిల్వచేసే గడువు పెంచుతుంది: బ్లాంచింగ్ చేసిన బఠాణీలను ఫ్రీజర్‌లో ఎక్కువ కాలం నిల్వ చేయవచ్చు. ఇది చలికాలంలో ఫ్రెష్ బఠాణీలను ఆస్వాదించడానికి మంచి మార్గం.