తినాలనే కోరిక తగ్గాలంటే.. ఇలా చేయండి

కొందరు పానీపూరీ, కట్లెట్ కనపడగానే తినేందుకు పరుగెడుతుంటారు. మరికొందరు జిలేబీ కనిపిస్తే అస్సలు నోరు ఆగదు. ఇక పిల్లలు ఎంత తిన్నా సంతృప్తి పడరు. ఇంకా తినాలన్న కోరికతో ఉంటారు. ఇలా అతిగా తినాలనే(over eating disorder) జిజ్ఞాస మన ఒంటికి మంచిదేనా? ఇలాంటి కోరికల్ని నియంత్రించుకునేందుకు నిపుణులు ఇస్తున్న టిప్స్ ఏంటి? తెలుసుకుందాం..

చాలామంది బరువు(over eating disorder) పెరిగిపోతున్నామని.. వెంటనే తగ్గిపోవాలని భావించి తినే ఆహారాన్ని నియంత్రించుకుంటారు. అలా కొద్దిరోజులు ఉండగలుగుతారు కూడా. అంతలోనే బాగా ఇష్టమైన ఫుడ్ కళ్లకు కనిపిస్తుంది. ఇంకేముంది జిహ్వ చాపల్యం చంపుకోలేక మళ్లీ లాగించడం మొదలు పెట్టేస్తారు. వాస్తవానికి ఆహారం అనేది మితంగా తింటేనే ఆరోగ్యం, పరిమితి దాటి తింటే అనారోగ్యం(how to stop over eating disorder).

అయితే మనం ఎంత వద్దు అనుకున్నప్పటికీ తినేసే పరిస్థితి కొన్నిసార్లు ఏర్పడుతుంది. దీనితో ఆహారం అతిగా తినేస్తాం. ఫలితంగా శరీరంలో కొవ్వు పేరుకుపోతుంది. చివరకు మనకు తెలియకుండానే ఊబకాయానికి దారితీస్తుంది.

కొన్ని సందర్భాల్లో ఏదైనా తిన్న వెంటనే మరోసారి తినాలనిపిస్తుంది(cravings after meals). స్వీట్లు, చిప్స్ వంటి 'చిరుతిండ్లు' నోట్లో వేసుకోవాలని కూడా అనిపిస్తుంటుంది. ఈ పరిస్థితిని 'క్రేవింగ్స్'(cravings meaning) అంటారని నిపుణులు చెబుతున్నారు. సాధారణంగా తీసుకునే ఆహారంతో ఎటువంటి నష్టం లేనప్పటికీ.. 'క్రేవింగ్స్' అనే భావనకు లొంగిపోతే ఆరోగ్యానికి సమస్య మొదలవుతుందని వివరిస్తున్నారు. దీనిని నియంత్రించడమే ప్రస్తుత తరం ముందున్న అతిపెద్ద సవాల్ అని పేర్కొంటున్నారు.

తినాలనే కోరికను తగ్గించుకునే మార్గాలు..

• ఉదయం తీసుకునే ఆహారాన్ని బట్టే బరువు పెరగడం అనేది ఆధారపడి ఉంటుంది.. కాబట్టి ప్రోటీన్(protein foods list) ఎక్కువగా ఉండే ఆహారం తీసుకోవడం ఉత్తమం.
• ఎటువంటి ప్లేట్లో ఆహారం తింటున్నామన్నది కూడా ముఖ్యమే. చిన్న సైజు ప్లేట్​ని ఎంచుకుంటే తక్కువ పరిమాణంలో ఆహారం తీసుకునేందుకు అవకాశాలు ఎక్కువ.
• లంచ్, డిన్నర్​లో సగం కాయగూరలు, పావు శాతం కార్బోహైడ్రేట్లు, పావు శాతం ప్రోటీన్ పదార్థాలు ఉండేలా చూసుకోవాలి.
• ఆకలైనప్పుడు హెల్తీ ఫుడ్ తీసుకోవడం వల్ల క్రేవింగ్స్​ను నిలువరించవచ్చు.
• శరీరంలో కాల్షియం స్థాయులు తగినంతగా లేకపోతే షుగర్ క్రేవింగ్స్(cravings for sweets) వచ్చేందుకు అవకాశం ఉంది. ఇలాంటి సమయాల్లో ఖర్జూరతో పాటు.. ఏ రకమైన పండ్లనైనా తీసుకోవచ్చు.
• గుగ్గిళ్లు, అటుకులు వంటివి 'సాల్ట్ క్రేవింగ్స్'ని నియంత్రించేందుకు తోడ్పడతాయి.

ప్రస్తుత జీవనశైలికి తగినట్లుగా ఎటువంటి ఆహారం తీసుకోవాలి? మనిషికి నిద్ర ఎంతసేపు అవసరం? వంటి ఎన్నో సమాధానాలకు ఈ కింది వీడియోను చూసేయండి.

ఇవీ చదవండి: