చాలా మంది అబ్బాయిలు, అమ్మాయిల్లో ఉండే సమస్య పెదవులు నలుపు రంగులో ఉండటం. అది ట్యాన్ వల్ల కావొచ్చు లేదా కాంప్లెక్షన్ వల్ల కావొచ్చు. మరి కొందరిలో స్మోక్ చేయడం వల్ల కావొచ్చు. అమ్మాయిలైతే ఆ డార్క్నెస్ను కవర్ చేయడానికి లిప్స్టిక్ను వాడేస్తుంటారు. కానీ, అబ్బాయిలు/పురుషులకు అలా కుదరు. అయితే ఇంట్లో ఉండే చిన్న చిన్న వస్తువులతోనే పెదాలను డార్క్నెస్ నుంచి పింక్ కలర్లోకి (pink lips naturally) ఎలా తెచ్చుకోవాలో చూడండి.
చిట్కా 1:
కావాల్సిన పదార్థాలు-పంచదార పొడి (చక్కెరను గ్రైండ్ చేసి పొడిగా చేసుకోవచ్చు) , తేనె, కొబ్బరి నూనె
ముందుగా రెండు చెంచాల చక్కెర పొడిని ఓ బౌల్లో తీసుకోవాలి. అందులో ఒక స్పూన్ తేనె వేసి బాగా కలుపుకోవాలి. తేనెలో ఉండే యాంటీ ఆక్సిడెంట్స్ చర్మానికి చాలా మంచింది. ఆ మిశ్రమంలో ఒక స్పూన్ కొబ్బరినూనె వేసి మరింత కలపాలి. కొబ్బరినూనె నేచురల్ మాయిశ్చరైజర్. ఈ మిశ్రమాన్ని ప్రతిరోజూ ఉదయం, సాయంత్రం పెదవులపై సర్క్యూలర్ మోషన్లో రబ్ చేసి మసాజ్ చేసుకోవాలి. అలా ఓ 10-15నిమిషాల పాటు ఉంచాక నీళ్లతో కడిగేసుకోవాలి,
చిట్కా 2:
కావాల్సిన పదార్ధాలు-పసుపు, పాలు, గ్లిజరిన్
బౌల్లోకి ఒక స్పూన్ పసుపు తీసుకోవాలి. పసుపు నేచరల్ యాంటీ సెప్టిక్. ఇది బ్యాక్టీరియాను రాకుండా చేస్తుంది. అందులో ఒక చెంచాడు పాలు, రెండు చుక్కల గ్లిజరిన్ వేసి బాగా కలుపుకోవాలి. ఈ ప్యాక్ను నిద్రపోయేముందు పెదాలకు అప్లై చేసుకుని, ఉదయాన్నే కడిగేసుకోవాలి. ఇలా ఓ నెల రోజుల పాటు చేస్తే కచ్చితంగా మంచి ఫలితం ఉంటుంది.
చిట్కా 3:
కావాల్సిన పదార్థాలు-బీట్రూట్, పాలు
బీట్రూట్ను చక్కగా కడిగేసుకొని, పేస్ట్ చేసుకోవాలి. బౌల్లోకి ఒక స్పూన్ పేస్ట్ తీసుకొని, అందులో కొద్దిగా పాలను కలుపుకోవాలి. దానిని బాగా మిక్స్ చేస్తే వచ్చే రసాయనాన్ని ప్రతి రోజు రెండు పూటల ఓ దూదితో పెదాలపై అప్లై చేయాలి. బీట్ రూట్లో విటమిన్ ఏ, విటమిన్ డీ, ఫైబర్ ఉంటాయి. కిడ్నీ సమస్యలు ఉన్నవారు తమ రెగ్యూలర్ డైట్లో బీట్రూట్ యాడ్ చేసుకుంటే చాలా మంచింది.
చిట్కా 4:
ఎండలో బాగా తిరిగినవారి పెదాలు డ్రై అయిపోతాయి. అలాంటివారు రోజ్ పెటల్స్లో ఓ స్పూన్ పాలు పోసి, గట్టిగా కలుపుకోవాలి. ఆ మిశ్రమంలో కాటన్ బాల్తో పెదాలపై రబ్ చేసుకోవాలి. కాసేపయ్యాక దానిని కడిగేస్తే పెదాలు కాంతివంతంగా, ఆకర్షణీయంగా, పింక్ కలర్లో తయారవుతాయి.
ఇదీ చూడండి:పెదాల పగుళ్లు, ముఖంపై మొటిమలు ఎందుకొస్తాయో తెలుసా?
