శరీరానికి శక్తిని, ఆరోగ్యాన్ని అందించే దుంపల జాబితాలో బీట్రూట్ ఒకటి. అయితే దీనిని తినేందుకు అంత సామాన్యంగా ఎవరూ ఇష్టపడరు. తినగానే నాలుక, దంతాలు ఎర్రగా మారి భయంకరంగా కనిపించే ఈ దుంపజాతిలో చెప్పలేనన్ని పోషకాలు నిండి ఉన్నాయి. అయితే వీటి వల్ల కలిగే ఆరోగ్య ప్రయోజనాలు తెలియక.. చాలా మంది అయిష్టత ప్రదర్శిస్తారు. బీట్రూట్తో ఆరోగ్య ప్రయోజనాలు ఎలాంటివో ఇప్పుడు చూసేద్దాం.
బీట్రూట్, క్యారెట్ లాంటివి శరీరానికి చక్కటి ఔషధంలా పని చేస్తాయి. బీట్రూట్.. ఎన్నో పోషకాలు అందించి ఆరోగ్యానికి మేలు చేస్తుంది. రక్తశాతాన్ని పెంచుతుంది. కొందరు ఈ బీట్రూట్ను ఆహారంగా తినేందుకు అయిష్టత ప్రదర్శిస్తారు. దీనిని తినవచ్చు. జ్యూస్గా చేసి తాగవచ్చు. కూరగా వండుకోవచ్చు. బీట్రూట్ను ఆహారంలో భాగం చేసుకుంటే ఎన్నో ప్రయోజనాలు ఉన్నాయి.
బీట్రూట్తో ప్రయోజనాలు(Beetroot benefits)
- డయాబెటిక్ రోగులు బీట్రూట్ను తీసుకుంటే లివర్ సంబంధిత సమస్యలు తలెత్తవు.
- బీట్రూట్లో నైట్రేట్లుతో పాటు విటమిన్లు, ఖనిజాలు, అమైనో ఆమ్లాలు దండిగా ఉంటాయి.
- బీట్రూట్లో నైట్రేట్ల నిల్వలు అధికం. ఇవి నైట్రేట్ ఆక్సైడ్లుగా మారి రక్తప్రసరణ వేగాన్ని పెంచుతాయి. ఫలితంగా రక్త నాళాల్లో రక్తం గడ్డ కట్టడాన్ని నివారిస్తాయి.
- శరీరం కాల్షియాన్ని వినియోగించుకోవడంలో బీట్రూట్ ఎంతగానో ఉపయోగపడుతుంది.
- దీనిని ఆహారంగా తీసుకోవడం ద్వారా శరీరానికి కావాల్సిన ఐరన్ అందుతుంది. తద్వారా రక్తహీనత బారిన పడకుండా కాపాడుతుంది.
- అలాగే శరీరానికి కావాల్సిన ఆక్సిజన్ను తీసుకోవడంలో తోడ్పడుతుంది.
- బీట్రూట్లోని నెట్రైట్.. మెదడు పని తీరును మెరుగుపరిచి, శక్తిమంతంగా మార్చగలదు.
- ఇందులో ఉండే శక్తిమంతమైన లైకోపిన్ అనే యాంటిఆక్సిడెంట్ వృద్ధాప్య ఛాయలు ధరి చేరనీయకుండా కాపాడుతుంది.
- బీట్రూట్లో విరివిగా లభించే కెరోటినైట్స్ కళ్లను ఆరోగ్యంగా ఉంచడంలో తోడ్పడతాయి.
- బీట్రూట్కు ఎరుపురంగును కలిగించే బీటాసైయానిన్కు పెద్దపెగుల్లో క్యాన్సర్తో పోరాడే లక్షణం ఉంది.
- శరీరానికి కావాల్సిన బీ, సీ విటమిన్లు బీట్రూట్లో పుష్కలంగా ఉంటాయి. ఫలితంగా పలు అనారోగ్య సమస్యలు తలెత్తకుండా కాపాడుతుంది. దీనిలో ఉండే ఔషధ గుణాలు పలు రకాల క్యాన్సర్ నివారిస్తుంది.
- రోగనిరోధకశక్తిని పెంచుతుంది.
ఇదీ చూడండి: healthy food: ఇలా చేస్తే వర్షాకాలంలో వచ్చే ఇన్ఫెక్షన్లకు చెక్!
