fat burning techniques: బరువు పెరగడం సులువే. కానీ తగ్గించుకోవడమే చాలా కష్టం. ఇందుకోసం చాలా శ్రమపడాలి. ఆహారంతో పాటు శారీరక శ్రమ చేయాలి. శరీరంలో పేరుకుపోయిన కొవ్వును సులభంగా కరిగించేందుకు సాయపడే ఈ సూత్రాలను పాటించండి.
- తక్కువ కెలొరీలుండే కూరగాయలను రోజువారీ ఆహారంలో ఎక్కువగా చేర్చుకోవాలి. ఇవి కడుపు నిండిన భావనను కలిగిస్తాయి.
- అలాగని మాంసకృత్తులను మరవకూడదు. అందుకోసం మాంసం, పాలు, పప్పుదినుసులను తీసుకోవాలి.
- చిరుతిళ్ల పేరుతో కనిపించిన వాటినల్లా తినేయొద్దు. నూనెలో వేయించినవి, మసాలాలను తగ్గించి తాజాపండ్లను తినాలి.
- వ్యాయామం తప్పనిసరి. వారంలో కనీసం మూడుసార్లు బరువులెత్తే వ్యాయామాలను చేయాలి. చిన్న వాటితో మొదలుపెట్టి క్రమంగా పెంచుకుంటూ పోవాలి.
- అతి తక్కువ/జీరో కెలొరీలుండే శీతలపానీయాలను తీసుకోవాలి. లేదంటే తాజా పండ్ల రసాలను తాగితే సరి.
- రోజూ ఎనిమిది వేల అడుగులు వేయాలి. నడక వల్ల శరీరం మొత్తం కదులుతుంది.