Diabetes Problems On Foots: చిన్న వయసు వారి నుంచి పెద్దల వరకూ మధుమేహం సమస్య అందరికీ సాధారణమైపోయింది. ఈ వ్యాధి ఉన్నవారి పాదాలకు వచ్చే సమస్యలు, వాటికి తీసుకోవాల్సిన జాగ్రత్తలు ఎంటో చూద్దాం.
మధుమేహం(షుగర్) ఉందని తెలిస్తే వెంటనే అదుపు చేసుకోవడానికి ప్రయత్నించాలి. దీనిని నిర్లక్ష్యం చేయడం వల్ల అనేక ఆరోగ్య సమస్యలు ఎదురవుతాయి. వీటిలో నరాల బలహీనత ప్రధాన సమస్య. షుగర్ అధికమైతే అరికాలుతో పాటు అరచేతిలో మంటలు వస్తాయి.. తిమ్మిర్లు అధికమవుతాయి. పాదాల నుంచి మొదలుకొని కాళ్లలోకి, ఆ పైభాగానికి తిమ్మిర్లు వ్యాపిస్తాయి. దీర్ఘకాలికంగా మూత్రపిండాలు విఫలమై డయాలసిస్ చేయించుకోవాల్సిన పరిస్థితి ఏర్పడుతుంది. వీటితోపాటు కళ్లపై, గుండెపై కూడా మధుమేహం ప్రభావం పడుతుంది. గాయాలు తగిలనపుడు నిర్లక్ష్యం వహిస్తే అవి మానకపోగా.. చివరకు కాళ్లు, వేళ్లు తీయాల్సిన పరిస్థితి ఏర్పడుతుంది.