డిప్రెషన్​ సమస్యా? మందులు లేకుండా ఈ పద్ధతులు ఫాలో అవ్వండి!

Depression Avoiding Tips: మీరు డిప్రెషన్​కు గురయ్యారా..? ఈ సమస్య నుంచి బయటపడాలంటే ఏం చేయాలో అర్థం కావడం లేదా..? మందులు వాడాలంటే టెన్షన్​గా ఉందా..? నో వర్రీస్​.. ఈ పద్ధతుల ద్వారా ఈజీగా సమస్య సాల్వ్​ చేసుకోవచ్చు..

Depression Avoiding Tips:డిప్రెష‌న్.. ఇప్పడు ప్రతి ఒక్కరి జీవితంలో.. కనిపిస్తున్నది.. వినిపిస్తున్నది. వయసు, జెండర్​తో సంబంధం లేకుండా జనాలను ఉక్కిరిబిక్కిరి చేస్తోన్న సమస్య. ఒకసారి దీనికి గురయ్యామంటే.. తిరిగి కోలుకోలేని విధంగా పర్యవసనాలు ఉంటాయి. కోపం, నిరాశ, నిరుత్సాహం, ఆందోళన, చెప్పలేనంత బాధ.. డిప్రెషన్‌కు గురయ్యే వారిలో ఎక్కువగా కనిపించే లక్షణాలు. అంతెందుకు ఎవరైనా తక్కువగా చేసి మాట్లాడిన.. కావాల్సింది దక్కకపోయినా.. ఏదైనా అనారోగ్యం బారిన పడినా చాలా మందిలో మానసిక ఒత్తిడి మొదలవుతుంది. క్రమంగా ఇది దీర్ఘకాలిక వ్యాధిగా మారుతుంది.

కొన్ని సందర్భాల్లో ఆహార అలవాట్లు, జన్యుపరమైన కారణాలు కూడా డిప్రెషన్‌కి కారణాలుగా చెప్పుకోవచ్చు. ఇలా కారణాలు ఏవైనా కానీ.. వన్స్​ డిప్రెషన్​కి గురైతే మానసికంగా చిత్తు కావడం ఖాయం. అయితే ఈ సమస్య నుంచి గట్టెక్కెందుకు చాలా మంది మందులు కూడా ఉపయోగిస్తుంటారు. ఇది సరైనదేనా అని అంటే.. అటు కాదని చెప్పలేం.. ఇటు అవుననీ చెప్పలేం. అయితే కేవలం మందుల మీద ఆధార పడకుండా.. మన జీవన శైలిలో ఈ మార్పుల వల్ల ఒత్తిడి మన దరిదాపుల్లోకి కూడా రాలేదని నిపుణులు అంటున్నారు. అవేంటో ఈ స్టోరీలో చూద్దాం..

వ్యాయామాలు:ఒక్కసారి డిప్రెషన్​కు గురైతే.. ఏ పని మీద శ్రద్ధ పెట్టలేము. అయితే డిప్రెషన్ నుంచి ఉపశమనం పొందడానికి రోజువారీ వ్యాయామాలు సహాయపడుతాయని కొన్ని అధ్యయనాలు సూచించాయి. ఈ సమస్యతో బాధపడుతున్న వ్యక్తులు నడకతో ప్రారంభించిన చిన్న చిన్న ఎక్సర్​సైజ్​లు(వాకింగ్, జాగింగ్, స్విమ్మింగ్, యోగా, ఏరోబిక్స్, టెన్నిస్) చేసి రిలీఫ్​ పొందవచ్చు. అలాగే మెడిటేషన్ కూడా ఉపయోగపడుతుంది. ప్రతి రోజూ కనీసం 15 నిమిషాలు ప్రశాంతమైన వాతావరణంలో ధ్యానం చేసుకోవడం వల్ల.. ఒత్తిడి నుంచి విముక్తి కలుగుతుంది. "అమెరికన్ మెడికల్ అసోసియేషన్ జర్నల్‌"లో ప్రచురితమైన ఓ అధ్యయనంలో CBT(Cognitive-Behavioral Therapy) దీర్ఘకాలికంగా డిప్రెషన్‌కు చికిత్స చేయడంలో మందుల వలే ప్రభావవంతంగా ఉంటుందని కనుగొంది.

విజయాలను నెమరేసుకోవడం: డిప్రెషన్​ బారిన పడినప్పుడు.. చిన్న చిన్న లక్ష్యాలు కూడా పూర్తి చేసుకోలేరు. ఫలితంగా నాకు ఏ పని రాదు.. నేను ఏ పని చేయలేను అనే ఓ భావనలో ఉంటారు. అలాంటి సందర్భాల నుంచి బయటపడాలంటే.. మీరు సాధించిన చిన్న చిన్న విజయాలను గుర్తు చేసుకోవడం మంచిది. మిమ్మల్ని మీరు ఉన్నతంగా ఊహించుకోవాలి. అలాగే మీ చిన్నతనంలో జరిగిన పలు విశేషాలు గుర్తుకు తెచ్చుకోవడం.. మనసుకు స్వాంతన లభించే పాటలు వినడం.. పుస్తకాలు చదవడం.. ఇలా మీకు నచ్చిన పనిలో నిమగ్నమైతే బాధ నుంచి విముక్తి పొందవచ్చు.

మీరు ఆనందించే పని చేయడం:డిప్రెషన్​ నుంచి బయట పడాలంటే.. ముఖ్యంగా చేయవలసినది ఆనందంగా ఉండటం. అంటే మీకు నచ్చిన పని చేయడం, నచ్చిన ప్రదేశాలకు వెళ్లడం, మీరు ఎక్కువగా ఆరాధించే, బాగా ఇష్టపడే వ్యక్తులతో వీలైనప్పుడల్లా మాట్లాడటం, వారితో కలిసి బయటికి వెళ్లడం వంటివి చేయాలి.

సరైన ఆహారం:మీరు డిప్రెషన్​తో బాధపడుతున్నట్లయితే.. ఆహారం విషయంలో జాగ్రత్తలు తీసుకోవడం చాలా ముఖ్యం. మీ ఆహారంలో ఒమేగా -3 కొవ్వు ఆమ్లాలు, విటమిన్ సి, విటమిన్ డి చేర్చడం మర్చిపోవద్దు. అలాగే, మిమ్మల్ని మీరు హైడ్రేటెడ్‌గా ఉంచుకోవాలి. అందుకు సరిపడ నీళ్లు తాగడం మర్చిపోవద్దు.

సరైన నిద్ర అవసరం:డిప్రెషన్​కు మరో కారణం.. నిద్ర లేకపోవడమే అని పలు అధ్యయనాల్లో వెల్లడైంది. అందుకే ప్రతి రోజూ కనీసం 6 నుంచి 8 గంటలైనా నిద్రపోవాలని నిపుణులు సూచిస్తున్నారు. ఒకవేళ నిద్ర పట్టకపోతే? అంటారా.. కొన్ని పనులు చేయడం ద్వారా నిద్ర వచ్చేస్తోంది. ఆ వివరాల కోసం ఈ లింక్​పై క్లిక్​ చేయండి.