Dandruff Treatment: వర్షాకాలంలో తరచూ మీ జుట్టు తడుస్తుంటుంది. అలాంటప్పుడు ఆ నెత్తిని సరిగా శుభ్రం చేసుకోకుంటే.. చాలా సమస్యలు తలెత్తుతాయి. వాటిల్లో చుండ్రు బాగా ముఖ్యమైంది. వాతావరణంలో కలిగే మార్పులు, శరీరంలో హార్మోన్ల స్థాయులు, ఆయిల్ ఫుడ్ వంటివి వీటికి కారణమవుతాయి. చుండ్రు జిగటలా ఏర్పడితే.. అది జుట్టు రాలిపోవడం, నిర్జీవంగా మారిపోవడం వంటి పరిణామాలకు దారితీస్తుంది. కొందరు ఇది తగ్గించుకోవడానికి లైట్ గ్లైకోలిక్ యాసిడ్ పిల్స్, రకరకాల షాంపూలు వాడుతుంటారు. అయినా పరిష్కారం లభించదు. మరి దీనిపై డాక్టర్లు ఏమంటున్నారో చూడండి.
''క్రమం తప్పకుండా వ్యాయామం చేయడం మంచిది. ఆయిల్ ఫుడ్ తగ్గించుకోవాలి. వీటికి అదనంగా ఓవర్నైట్ యాంటీఫంగల్ లోషన్స్ ఉంటాయి. డాక్టర్ల సలహా మేరకు రోజువారీగా లేదా.. రోజువిడిచి రోజు వాడాల్సి ఉంటుంది. ఇంకా.. కోల్ థార్ యాసిడ్, సాల్సిలిక్ యాసిడ్, జింక్ పైరిథ్రోన్ షాంపూలు చుండ్రును తగ్గిస్తాయి. వీటిని మాడుకు 5-10 నిమిషాల సేపు ఉంచి తలస్నానం చేస్తే ఉపశమనం లభిస్తుంది. ఇంకా తగ్గకుంటే ఓరల్ యాంటీ ఫంగల్స్, ఓరల్ ట్యాబ్లెట్స్ ఉంటాయి. మొహం మీద జిడ్డు తగ్గడానికి కూడా ఈ ట్యాబ్లెట్లు వాడొచ్చు. అసిలిక్ యాసిడ్తో మొహం మెరుస్తుంది.''