కరోనా మహమ్మారి దేశంలో అంతకంతకూ విస్తరిస్తోంది. రోజుకూ 3 లక్షలకుపైగా కేసులు నమోదవుతున్నాయి. సెకండ్ వేవ్లో వైరస్ అత్యంత వేగంగా వ్యాప్తి చెందుతోంది. కరోనా తొలి దశలో జలుబు, దగ్గు, జ్వరం ఈ మూడు లక్షణాలు ప్రధానంగా కనిపించేవి. వైరస్ స్వభావం క్రమంగా మారుతూ వచ్చింది. ఉత్పరివర్తనాలు... వైరస్ ప్రభావాన్ని తీవ్రతరం చేశాయి. ఈ క్రమంలో లక్షణాల్లోనూ మార్పులు వచ్చాయి. గొంతు నొప్పి, వాంతులు, విరేచనాలు, ఒళ్లు నొప్పులు ఇలాంటివన్నీ తోడయ్యాయి. ఫలితంగా ఈ లక్షణాల జాబితానూ పెంచుకుంటూ వస్తోంది డబ్ల్యూహెచ్ఓ. వైరస్ జన్యుక్రమం మారుతున్న కొద్ది... కొవిడ్ లక్షణాలు మారిపోతున్నాయి. ఇప్పుడు సెకండ్ వేవ్లో తలనొప్పి, వణుకు, కళ్లు ఎర్రబడటం, నీరసపడిపోవటం వంటి కొత్త లక్షణాలు బాధితుల్లో కన్పిస్తున్నాయి. ఆ జాబితాను ఓ సారి చూడండి.
ఈ లక్షణాలు కన్పిస్తే ఏ మాత్రం నిర్లక్ష్యం చేయకుండా వెంటనే పరీక్ష చేయించుకోండి. వైద్యుల సూచన మేరకే ఔషధాలు వాడండి. కరోనా సోకిన వారిలో అధిక శాతం మంది ఇంట్లోనే ఉండి జాగ్రత్తలు పాటిస్తూ చికిత్స తీసుకుంటే నయమవుతుంది.