తెలంగాణ

telangana

ETV Bharat / sukhibhava

పాదాలు పగులుతున్నాయా? - ఈ టిప్స్​తో గులాబీ రేకుల్లా మారిపోతాయి! - చలికాలంలో పాదాలు పగులుతున్నాయా

Best Tips for Cracked Skin Foot : చలికాలంలో ఎక్కువ మంది ఎదుర్కొనే ప్రధాన సమస్య పాదాల పగుళ్లు. పగిలిన పాదాలు చూడ్డానికి ఇబ్బందికరంగా ఉంటాయి. దీంతో.. ఈ సమస్య నివారణ కోసం జనాలు ఏవేవో పద్ధతులు పాటిస్తారు. కానీ.. సరైన ఫలితం లేక నీరసించిపోతారు. మీరు కూడా ఇలాంటి పరిస్థితిలో ఉంటే.. మేం చెప్పే అద్భుతమైన చిట్కాలు ట్రై చేయండి. మీ పాదాలు గులాబీ రేకుల్లా మారడం పక్కా!

Best Tips for Cracked Heels
Best Tips for Cracked Heels

By ETV Bharat Telugu Team

Published : Nov 29, 2023, 11:46 AM IST

Best Tips for Cracked Heels in Telugu : వింటర్ సీజన్ వచ్చిందంటే చాలు.. ప్రతి ఒక్కరినీ చర్మ సంబంధింత సమస్యలు ఇబ్బందిపెడతాయి. ఇలాంటి వాటిల్లో పాదాల పగుళ్లు ఒకటి. ఈ సమస్య చాలా మందిలో తీవ్రంగా ఉంటుంది. ఇవి చూడటానికి బాగుండకపోవడం ఒకెత్తయితే.. కొందరికి నడుస్తుంటేనే నొప్పిగా ఉంటాయి. చివరకు.. రాత్రి పడుకునేముందు బెడ్ షీట్స్ కప్పుకొంటున్నా.. ఇబ్బందిపెడతాయి. ఈ సమస్యతో బాధపడుతున్న మహిళలు.. నలుగురిలోకి వెళ్లాలన్నా ఇబ్బందిగా ఫీలవుతుంటారు.

పాదాలను సరిగ్గా క్లీన్ చేయకపోవడం, చర్మంపై తేమ త్వరగా ఆరిపోవడం, శరీరంలో వేడి ఎక్కువగా ఉండడం వంటికారణాలతోపాటు ఊబకాయం కూడా ఈ సమస్యకు కారణమవుతుంది. ముఖ్యంగా.. మట్టిలో ఎక్కువగా తిరిగే వారిని ఈ సమస్య ఎక్కువగా వేధిస్తుంది. ఇప్పటికే ఈ సమస్య ఉన్నవారు.. చలికాలంలో మరింత ఇబ్బంది పడతారు. మరి.. ఈ సమస్య నుంచి సహజ నివారణ చిట్కాల(Best Tips) ద్వారానే ఎలా బయటపడాలో ఇప్పుడు చూద్దాం.

చలికాలంలో అలర్జీ ఎందుకు మరింత ఎక్కువవుతుందో తెలుసా?

  • పాదాల పగుళ్లకి ముఖ్య కారణం.. పాదాలపై మురికి చేరడంతోపాటు పొడి బారడమే.
  • కాబట్టి.. రోజూ పాదాలను శుభ్రంగా కడిగి, మృదువైన వస్త్రంతో తుడిచి మాయిశ్చరైజర్‌ రాయాలి.
  • ఓ టబ్‌లో పాదాలు మునిగేంత వరకు గోరు వెచ్చని నీళ్లు నింపి, రెండు చెంచాల తేనె వేసి, పాదాలను అందులో ఉంచాలి.
  • పది నిమిషాల తర్వాత పగిలిన ప్రాంతాన్ని మృదువుగా రుద్దాలి. ఇది సహజసిద్ధ మాయిశ్చరైజర్‌లా పని చేయడమే కాదు, బ్యాక్టీరియానూ దూరం చేస్తుంది.
  • గోరు వెచ్చని నీళ్లలో గ్లిజరిన్, ఆలివ్ ఆయిల్ కలిపి అందులో పాదాలను ఉంచి.. చక్కగా క్లీన్ చేస్తే పగుళ్లు మాయమవుతాయి.
  • అరటిపండును గుజ్జులా చేసుకొని.. పాదాలపై పగుళ్లు ఉన్న చోట రాసినా కూడా మంచి ఫలితం కనిపిస్తుంది.
  • పాదాల పగుళ్లు తగ్గించుకోవడానికి.. నువ్వుల నూనెలో కాస్త గ్లిజరిన్ కలిపి పాదాలకు మసాజ్ చేయాలి. ఇలా నిత్యం చేయడం ద్వారా మీ పాదాలు కోమలంగా తయారవుతాయి.
  • కొబ్బరి నూనెలో హారతి కర్పూరం, పసుపు కలిపి పాదాలకు అప్లై చేసినా బెటర్ రిజల్ట్ కనిపిస్తుంది. తరచూ ఇలా చేయడం ద్వారా పాదాలు పగుళ్లు తగ్గడమే కాకుండా చాలా మృదువుగా మారతాయి.
  • పెరుగు, వెనిగర్ మిశ్రమంతో పాదాలకు, మడమలకు తరచూ మసాజ్ చేసుకున్నా మంచి ఫలితం ఉంటుంది.
  • అదేవిధంగా హ్యాండ్ క్రీమ్, నిమ్మరసం కలిపి పాదాలకు రాసినా పగుళ్లు తగ్గుతాయి.
  • రోజ్ వాటర్​లో గ్లిజరిన్ కలిపి ఆ మిశ్రమాన్ని పాదాలకు మర్దన చేసినా కూడా పగుళ్లు ఈజీగా తగ్గిపోతాయి.
  • ఇలా పైన పేర్కొన్న చిట్కాల్లో ఏదో ఒకటి క్రమం తప్పకుండా పాటిస్తే కొన్ని రోజుల్లోనే మంచి ఫలితం మీకు కనిపిస్తుంది.

మొటిమల సమస్య - ఈ లక్షణాలు కనిపిస్తే వెంటనే హాస్పిటల్​కు వెళ్లాలి!

చలికాలంలో చుండ్రు వేధిస్తోందా? - ఈ టిప్​తో మీ జుట్టు నిగనిగలాడిపోద్ది!

ABOUT THE AUTHOR

...view details