ఇది తెలుసా... గోరంత లవంగం కొండంత మేలు!

మామూలు రోజుల్లో దగ్గు ఇబ్బంది పెడుతుంటే ఓ లవంగ మొగ్గని బుగ్గన పెట్టుకుని ఉపశమనం పొందుతాం. అదొక్కటే కాదు.. దీంతో ఇంకా ప్రయోజనాలున్నాయి...

సుగంధద్రవ్యాల్లో ఒకటైన లవంగాన్ని ‘దేవకుసుమ’ అనికూడా పిలుస్తారు. దీన్ని ఆయుర్వేద ఔషధాల్లో విరివిగా ఉపయోగిస్తారు. దీంట్లోని సుగంధ తైలాలు ఔషధంగా పనిచేస్తాయి. లవంగం నుంచి విటమిన్‌-సి లభిస్తుంది.

కఫం తగ్గాలంటే:

మిరియాలు, లవంగాల పొడిలో కాస్త తేనె కలిపి తీసుకుంటే కఫం తగ్గుతుంది.

దప్పిక తీరాలంటే:

దాహం ఎక్కువగా ఉన్నప్పుడు.. నీళ్లు మరిగించి అందులో నాలుగైదు లవంగాలు వేసి ఆ రసాన్ని తాగితే దప్పిక తగ్గుతుంది.

పొడి దగ్గుకు:

వేయించిన లవంగాలను నోట్లో పెట్టుకుని చప్పరిస్తే పొడి దగ్గు తగ్గుతుంది.

ఆయాసం తగ్గడానికి:

దగ్గు, జలుబు, ఆయాసంతో బాధపడేవాళ్లకు లవంగ తైలం చాలా మంచిది.

దుర్వాసన రాకుండా:

వేడినీళ్లలో లవంగాలను వేసుకుని తాగితే కడుపులో ఉండే బ్యాక్టీరియా నశిస్తుంది. నోటి దుర్వాసన రాకుండా ఉంటుంది. గ్రీన్‌టీలో లవంగాలను వేసుకుంటే మరీ మంచిది.

అజీర్తి లేకుండా:

అజీర్తితో బాధపడేవాళ్లు భోజనానికి ముందు లవంగాన్ని నోట్లో పెట్టుకుంటే సరి.

వికారానికి:

లవంగాల పొడిలో నిమ్మరసం కలిపి తీసుకుంటే కడుపులో తిప్పడం తగ్గుతుంది.

తలనొప్పి వేధిస్తుంటే:

తలనొప్పి, వాంతులతో బాధపడుతున్నప్పుడు.. చిటికెడు లవంగాల పొడిలో అల్లం రసం, తేనె కలిపి తీసుకుంటే ఫలితం ఉంటుంది.

పంటినొప్పికి:

పన్నునొప్పి ఉన్నచోట లవంగ తైలంలో ముంచిన దూదిని ఉంచితే ఉపశమనం లభిస్తుంది.

జాగ్రత్తలు:

ప్రయోజనాలు ఎన్ని ఉన్నా లవంగాలను ఎప్పుడూ మితంగా తీసుకోవాలి. ఎక్కువ వాడితే కడుపులో మంట పుడుతుంది.

నెలల నిండాక:

గర్భిణులకు నెలలు నిండాక ఒక్కోసారి పొట్ట బిగించినట్టుగా, ఉంటుంది. అలాంటప్పుడు లవంగాన్ని బుగ్గన పెట్టుకుంటే ఉపశమనంగా ఉంటుంది.

ఇదీ చూడండి:కేరళ విమాన ప్రమాద దృశ్యాలు