వెల్లుల్లి ఆరోగ్యానికి మంచిది, కానీ నల్ల వెల్లుల్లి ఇంకా మంచిది అనేది కొత్తగా వస్తున్న వార్త. ఈ నల్ల వెల్లుల్లి ప్రత్యేకంగా పండదు. ఒక పద్ధతిలో నిల్వచేయడం లేదా అధిక ఉష్ణోగ్రతకు గురిచేయడం ద్వారా నల్లబడేలా చేస్తారు. ఇలా చేసిన వెల్లుల్లి తియ్యగా జెల్లీలా సాగుతుంది.
సాధారణ వెల్లుల్లికి ఉండే ఘాటూ వాసనా కూడా తగ్గుతాయి. కానీ పోషకాలు అలానే ఉంటాయి. దీనివల్ల ఆహారం రుచి పెరుగుతుంది. మామూలు వెల్లుల్లితో పోలిస్తే యాంటీఆక్సిడెంట్లు ఎక్కువ. ప్రొటీన్‌, పీచు, ఐరన్‌, విటమిన్‌-సి, కాల్షియం కూడా అధిక శాతంలోనే ఉంటాయి. అందుకే జపాన్‌, థాయ్‌ల్యాండ్‌, దక్షిణ కొరియాల్లో ఈ నల్ల వెల్లుల్లినే ఎక్కువగా వాడతారట. ఇందులో సాలైల్‌ సిస్టీన్‌ అనే పదార్థం ఎక్కువగా ఉండటంతో కణాల్లో ఆక్సీకరణ ఒత్తిడి, మంట ఏర్పడకుండా ఉంటాయి. పాలీఫినాల్స్‌ కూడా ఐదు రెట్లు ఎక్కువ.