ఆ ప్రాంతాల ప్రజలు జ్ఞాపకశక్తి కోల్పోయే ప్రమాదం ఎక్కువ!

వాయు కాలుష్యం అధికంగా ఉండే ప్రాంతాల్లో నిరంతరం కలుషితమైన గాలి పీల్చడం వల్ల జ్ఞాపకశక్తి తగ్గిపోతుందని వెల్లడించింది ఓ సర్వే. గుండె జబ్బులతో బాధపడుతున్నవారిలో ఈ ప్రమాదం మరింత ఎక్కువగా ఉంటుందని హెచ్చరిస్తున్నారు శాస్త్రవేత్తలు.

కలుషిత వాతావరణంలో ఉండే వారికి అనేక ఆరోగ్య సమస్యలు తలెత్తే ప్రమాదం ఉందని హెచ్చరిస్తున్నారు పరిశోధకులు. వాయు కాలుష్యం అధికంగా ఉండే ప్రాంతాల్లో నివసించే వారిలో జ్ఞాపక శక్తి తగ్గి మెదడు పనితీరుపై తీవ్ర ప్రభావం చూపుతుందని వెల్లడించింది ఓ సర్వే. గుండె సంబంధిత వ్యాధులతో బాధపడేవారిలో ఈ ప్రమాదం మరింత ఎక్కువగా ఉంటుందని స్పష్టం చేసింది.

స్వీడన్​లోని కరోలిన్స్కా ఇన్​స్టిట్యూట్​కు చెందిన కొందరు​​ పరిశోధకులు వాయు కాలుష్యం ఉన్న నగరాలపై పరిశీలన చేసి నివేదిక రూపొందించారు.

30 ఏళ్లలో మూడు రెట్లు

ఈ వాయు కాలుష్యం వల్ల జ్ఞాపకశక్తి తగ్గే వారి సంఖ్య రానున్న 30 ఏళ్లలో మూడు రెట్లు పెరుగుతుందని అంచనా వేస్తున్నారు శాస్త్రవేత్తలు. ఈ సమస్య నివారణకు ఇప్పటి వరకు చికిత్స లేనందున తగిన జాగ్రత్తలు తీసుకోవాలని సూచిస్తున్నారు.

వృద్ధులపై పరిశోధన

స్వీడన్​ పరిశోధకులు 74 ఏళ్ల వయసున్న దాదాపు 3 వేల మంది వృద్ధులపై అధ్యయనం చేశారు. సుమారు 11 ఏళ్ల వరకు వారిని గమనించారు. వీరిలో 364 మందికి జ్ఞాపకశక్తి, మెదడు పనితీరు తగ్గి మతిస్థిమితం కోల్పోయే స్థితికి చేరుకున్నారని వెల్లడించారు.

" కలుషితమైన గాలి మానవ ఆరోగ్యంపై తీవ్ర ప్రభావాన్ని చూపుతుంది. మెదడు పని తీరుపై తీవ్ర ప్రభావం చూపుతూ మానసిక స్థితి కోల్పోయేలా ఈ వాయు కాలుష్యం కారణమవుతుందని గుర్తించాం. హృదయ సంబంధిత వ్యాధులున్న వారిలో ఈ ప్రమాదం అధికంగా ఉంది. 50 శాతం మందికి అకస్మాత్తుగా గుండె నొప్పి రావడానికి ఇదే కారణం."

- గియులియా గ్రాండే, కరోలిన్స్కా ఇన్​స్టిట్యూట్​

ఇదీ చదవండి:మార్చిలో స్వల్పంగా తగ్గిన జీఎస్టీ వసూళ్లు