కోరం లేక మున్సిపల్​ బడ్జెట్ సమావేశం వాయిదా

యాదగిరిగుట్ట మున్సిపల్ మొదటి బడ్జెట్ సమావేశం కోరం లేక వాయిదా పడింది. తెరాసకు చెందిన ఐదుగురు సభ్యులు మాత్రమే హాజరయ్యారు. తదుపరి సమావేశం ఈ నెల 20న నిర్వహించనున్నట్టు కమిషనర్ ప్రకటించారు.

యాదాద్రి భువనగిరి జిల్లా యాదగిరిగుట్ట మున్సిపల్ మొదటి బడ్జెట్ సమావేశం కోరం లేక వాయిదా పడింది. కౌన్సిల్​లో 12 మంది ఉండగా బుధవారం అధికార పార్టీకి చెందిన ఐదుగురు సభ్యులు మాత్రమే హాజరయ్యారు. దీంతో మున్సిపల్​ కమిషనర్ రజిత ఈ నెల 20కి వాయిదా వేస్తున్నట్టు ప్రకటించారు. ముఖ్యఅతిథిగా ప్రభుత్వ విప్​ గొంగిడి సునీత హాజరయ్యారు.

ఉదయం 11 గంటలకు ప్రారంభం కావాల్సి ఉండగా ఏడుగురు ప్రతిపక్ష సభ్యుల గైర్హాజరుతో సమావేశం జరగలేదు. బడ్జెట్​కు సంబంధించిన వివరాలు, పత్రాలు ముందస్తుగా ఇవ్వనందున సమావేశానికి హాజరు కాలేదని ప్రతిపక్ష కౌన్సిలర్లు తెలిపారు. దీనిపై కలెక్టర్​కు ఫిర్యాదు చేస్తామని పేర్కొన్నారు.

ఇదీ చూడండి:నిర్భయ దోషులకు ఉరి తప్పదు... సుప్రీం కీలక వ్యాఖ్యలు