Collector Pamela Satpathy Funny tweet on Surprise gift: "గురువారం రోజు మా ఇంటికి ఓ కొరియర్ వచ్చింది. ఆ పెద్ద ప్యాకెట్ చూడగానే.. మరో రెండు రోజుల్లో మహిళా దినోత్సవం ఉంది కదా.. నా ఆత్మీయులు నా కోసం సర్ప్రైజ్ గిఫ్ట్ పంపించారేమో అనుకున్నా. ఆనందం పట్టలేక.. అందులో ఏముందో తెలుసుకోవాలనే ఆతృతతో ప్యాకెట్ ఓపెన్ చూసి చూశాను. ఓపెన్ చేశాక అందులో ఉన్నది చూసి షాకయ్యాను. అప్పుడు వెలిగింది నాకు.. వారం రోజుల క్రితం అమెజాన్లో ఆర్డర్ పెట్టింది ఈ రోజు వచ్చింది అని.".. ఆ ఫన్నీ మూమెంట్ను ట్విట్టర్ ద్వారా మనతో పంచుకున్నారు యాదాద్రి కలెక్టర్ పమేలా సత్పతి.
ఆ ప్యాకెట్లో ఏముందంటే..
ఇంతకీ ఆ ప్యాకెట్లో ఏముందంటే.. కలెక్టర్ వారం కిందట అమెజాన్లో ఆర్డర్ చేసిన క్వార్టర్ లీ డైపర్ ఉంది. కలెక్టర్ పమేలాకు మూడేళ్ల బాబు ఉన్నాడు. ఇటీవలే రాయగిరి అంగన్వాడి కేంద్రంలో బాబు పేరు నమోదు చేశారు. తన బాబుకు డైపర్ల కోసం కలెక్టర్ ఆన్లైన్లో ఆర్డర్ పెట్టారు. అది గురువారం ఇంటికి డెలివరీ వచ్చింది. ఆ విషయం మరిచిపోయిన కలెక్టర్.. తనకు ఉమెన్స్ డే సర్ప్రైజ్ గిఫ్ట్ వచ్చిందనుకుని కాసేపు ఊహల్లో తేలిపోయారు. పమేలా సత్పతి.. ట్విట్టర్లో తాను ఫన్నీగా రాసిన ఈ రైటప్ అందరినీ ఆకర్షించింది. మీకు ఇలాంటి అనుభవాలు ఎదురయ్యే ఉంటాయి కదా..
ఇదీ చదవండి:బకెట్‌ విధానంతో డిగ్రీ విద్య.. ఎన్ని రకాల కాంబినేషన్లో తెలుసా?
