చెన్నైలో స్వర్ణ తాపడం పనులు పరిశీలించిన యాడా

స్వయంభు క్షేత్రంగా విరాజిల్లుతున్న యాదాద్రిని మాహాదివ్య క్షేత్రంగా తీర్చిదిద్దేందుకు యాడా అధికారులు నడుం బిగించారు. చెన్నైలోని స్మార్ట్​ క్రియేషన్స్​ ఇండస్ట్రీలో స్వర్ణ తాపడం పనులు చేపట్టారు.

యాదాద్రి లక్ష్మీనరసింహ స్వామి ఆలయ రాజగోపురాలపై కళశాలు, దివ్యవిమానంపై సుదర్శన చక్రం, ప్రధానాలయంలో ధ్వజస్తంభం, బలిపీఠాల తొడుగులకు స్వర్ణ తాపడం పనులను యాడా అధికారులు చెన్నైలో చేపట్టారు.

అక్కడి స్మార్ట్​ క్రియేషన్స్​ ఇండస్ట్రీలో చేపడుతున్న బంగారు పనులను పరిశీలించేందుకు యాడా బృందం చెన్నై వెళ్లింది. మూలవర్యులకు సైతం తాపడం చేపట్టాలని, గతంలో ఉన్న బంగారు తొడుగులకు మెరుగులు దిద్దాలని యాడా యోచిస్తోంది.

• ఇదీ చూడండి: సరకు రవాణాకు.. సిద్ధం కాబోతున్న ఆర్టీసీ బస్సులు