మున్సిపల్​ కార్యాలయం ముందు నిరుద్యోగుల మౌనదీక్ష

యాదగిరిగుట్ట మున్సిపాలిటీలో ఉద్యోగాలను ఎటువంటి నోటిఫికేషన్ లేకుండా నియమకాలు చేపట్టినందకు నిరసనగా నిరుద్యోగులు కార్యాలయం ముందు మౌనదీక్ష చేపట్టారు. పురపాలక సంఘం ఛైర్మన్​ తన ఇష్టారాజ్యంగా వ్యవహరిస్తున్నారని ఆరోపించారు.

యాదాద్రి భువనగిరి జిల్లా యాదగిరిగుట్టలో మున్సిపాలిటీ కార్యాలయం ముందు నిరుద్యోగులు మౌనదీక్ష నిర్వహించారు. పురపాలక సంఘంలో ఎటువంటి నోటిఫికేషన్ లేకుండా నియామకాలు చేపట్టినందకు నిరసనగా ఈ దీక్ష చేపట్టినట్లు వెల్లడించారు. మున్సిపాలిటీ ఛైర్మన్​ తన ఇష్టారాజ్యంగా వ్యవహరిస్తున్నారని ఆరోపించారు. కౌన్సిల్ ఆమోదం తెలపకముందే ఉద్యోగాలు ఎలా భర్తీ చేస్తారని ప్రశ్నించారు.

ఈ విషయమై ఛైర్మన్​ను వివరణ అడగ్గా మూడు రోజుల క్రితమే వీడియో కాన్ఫరెన్స్​ ద్వారా ఎనిమిది మందితో కూడిన కౌన్సిల్​ సమావేశం దీనికి ఆమోదం తెలిపినట్లు ఆయన​ వెల్లడించారు. ఉద్యోగులను కౌన్సిల్​ ఆమోదం ద్వారానే నియమకం చేసినట్లు కమిషనర్​ పేర్కొన్నారు.