'ఇంటింటి ఆస్తుల సర్వే సకాలంలో పూర్తి చేయాలి'

యాదాద్రి భువనగిరి జిల్లాలోని పలు గ్రామాల్లో ట్రైనీ కలెక్టర్ గరీమా అగర్వాల్ పర్యటించారు. ధరణి పోర్టల్ ఇంటింటికి ఆస్తుల సర్వేని పరిశీలించారు. రైతు వేదికల నిర్మాణాలను సమీక్షించారు. సకాలంలో సర్వే పూర్తి చేయాలని ఆదేశించారు.

ధరణి పోర్టల్ ఇంటింటికి ఆస్తుల సర్వేను సకాలంలో పూర్తి చేయాలని అసిస్టెంట్ కలెక్టర్ గరీమా అగర్వాల్ అధికారులను ఆదేశించారు. యాదాద్రి భువనగిరి జిల్లా యాదగిరిగుట్ట మండలంలోని మల్లాపురం, సైదాపురం, వంగపల్లి గ్రామాల్లో ఇంటింటి సర్వేని పరిశీలించి తగు సూచనలు చేశారు. రైతు వేదికల ప్రగతిని సమీక్షించారు.

అనుమానాలు నివృత్తి

ధరణి సర్వేపై అనుమానాలు ఉన్నవారితో మాట్లాడి సందేహాలు నివృత్తి చేయాలని అధికారులకు చెప్పారు. వివరాలు నమోదు చేసుకునేందుకు వస్తున్న సర్వే బృందాలకు ప్రజలు పూర్తిగా సహకరించాలని కోరారు.

ఈ కార్యక్రమంలో యాదగిరిగుట్ట ఎంపీడీవో ప్రభాకర్ రెడ్డి, మల్లాపురం పంచాయతీ కార్యదర్శి సొమిరెడ్డి, సైదాపురం పంచాయతీ కార్యదర్శి రోజా, వంగపల్లి పంచాయతీ కార్యదర్శి కిషోర్ తదితరులు పాల్గొన్నారు.

ఇదీ చదవండి:సైకిల్​పై 18 వేల కిలోమీటర్లు... గిన్నిస్ రికార్డుకు చేరువలో తెలుగమ్మాయి!