పట్టణ ప్రగతిలో పాల్గొన్న ఎమ్మెల్యే కిషోర్

యాదాద్రి భువనగిరి జిల్లా మోత్కూరు పట్టణ ప్రగతిలో ఎమ్మెల్యే గాదరి కిషోర్​ కుమార్​ పాల్గొన్నారు. పల్లె ప్రగతి తరహాలో పట్టణ ప్రగతిని కూడా విజయవంతం చేయాలని కోరారు. కార్యక్రమంలో ప్రజలు కూడా భాగస్వాములు కావాలన్నారు.

యాదాద్రి భువనగిరి జిల్లా మోత్కూరులో ఎమ్మెల్యే గాదరి కిషోర్​ కుమార్​ పర్యటించారు. పట్టణ ప్రగతి కార్యక్రమాన్ని పరిశీలించారు. పల్లె ప్రగతి తరహాలోనే పట్టణ ప్రగతిని విజయవంతం చేయాలని కోరారు. ఈ సందర్భంగా ఎమ్మెల్యే నీళ్లు పట్టి అందరినీ ఆకట్టుకున్నారు. పట్టణాలు ఒకేసారి కాకపోయినా... ఎక్కువశాతం అభివృద్ధి సాధిస్తామనే ముఖ్యమంత్రి ఈ కార్యక్రమాన్ని చేపట్టినట్టు తెలిపారు.

పట్టణ ప్రగతిలో భాగంగా మురుగు కాలువలు శుభ్రం చేయడం, పాత ఇళ్లు తొలగించడం, చెట్లు నాటడం, వందశాతం వీధి దీపాల ఏర్పాటు చేయనున్నట్టు ఎమ్మెల్యే తెలిపారు. రాష్ట్ర ప్రభుత్వం మోత్కూరు కేటాయించిన నిధులు సద్వినియోగం చేసుకోవాలని ఛైర్మన్​, కౌన్సిలర్లకు సూచించారు. పట్టణ ప్రగతిలో ప్రజలను కూడా భాగస్వాములను చేయాలన్నారు. నూతన మున్సిపాలిటీ చట్టంపై ప్రజలకు అధికారులు అవగాహన కల్పించాలన్నారు.

ఇదీ చూడండి :దేశంలో మరో ఆరుగురికి కరోనా