స్వర్గపురి వాహనంలోనే ప్రాణాలు వదిలిన డ్రైవర్

స్వర్గపురి వాహన డ్రైవర్​గా విధులు నిర్వహిస్తున్న వ్యక్తి... అదే వాహనంలో మృతి చెందిన ఘటన చౌటుప్పల్​లో చోటు చేసుకుంది. పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నారు.

యాదాద్రి భువనగిరి జిల్లా చౌటుప్పల్ మున్సిపల్ కేంద్రంలో స్వర్గపురి వాహనం డ్రైవర్ అదే వాహనంలో మృతిచెందాడు. చనిపోయిన వారిని శ్మశానవాటికకు చేర్చే వాహనం డ్రైవర్​గా లింగస్వామి విధులు నిర్వహిస్తున్నాడు. నిన్న రాత్రి ఇంటికి వెళ్లకుండా అదే వాహనంలో పడుకున్నాడు. ఉదయం కుటుంబసభ్యులు చూసే సరికి విగత జీవిగా పడి ఉన్నాడు.

మద్యం అధికంగా సేవించడం వల్ల మరణించాడా? లేక ఆర్థిక ఇబ్బందులతో విషం తీసుకున్నాడా అనే కోణంలో పోలీసులు దర్యాప్తు చేస్తున్నారు.

ఇవీ చూడండి:మాస్కు లేదని విమానం నుంచి దింపేసిన సిబ్బంది