కన్నుల పండువగా సీతారాముల కల్యాణం

రఘువంశ రామయ్య... సుగుణాల సీతమ్మల కల్యాణం ఎన్ని సార్లు చూసినా తనివితీరదంటున్నారు యాదాద్రి భువనగిరి జిల్లా వాసులు. నిన్న రాత్రి శ్రీ కోదండరామ స్వామి కళ్యాణమహోత్సవం కన్నుల పండువగా జరిగింది.

యాదాద్రి భువనగిరి జిల్లా అడ్డగూడూరు మండల కేంద్రంలోని శ్రీ కోదండరామ స్వామి కళ్యాణమహోత్సవం కన్నుల పండువగా జరిగింది. పురోహితులు వేద మంత్రాలు చదువుతుంటే సిగ్గుపడుతున్న సీతమ్మ మెడలో తాళి కట్టాడు ఆ రామచంద్రుడు. కొండపాక నరసింహాచార్యుల ఆధ్వర్యంలో ఆరుట్ల వేణుగోపాలాచార్యులు, శ్రీకాంత్ కారంపూడి కల్యాణ మహోత్సవాన్ని జరిపించారు. అనంతరం యజ్ఞశాలలో యజ్ఞం నిర్వహించారు. స్వామివారి తీర్థప్రసాదాలు భక్తులకు అందజేశారు. ఈ కార్యక్రమంలో ఆలయ వంశపారంపర్య ధర్మకర్తలు, ఆలయ ప్రధానార్చకులు, వేల సంఖ్యలో భక్తులు పాల్గొన్నారు.

ఇవీ చూడండి: నేడు కాళేశ్వరం పర్యటనకు ముఖ్యమంత్రి కేసీఆర్