యాదాద్రిలో అధ్యయనోత్సవాలు.. వేణుగోపాల స్వామిగా కనువిందు

యాదాద్రి నారసింహుని ఆలయంలో అధ్యయనోత్సవాలు వైభవంగా జరుగుతున్నాయి. ఉత్సవాల్లో భాగంగా రెండో రోజు స్వామి వారిని వేణుగోపాల స్వామి అవతారంలో అలంకరించారు. బాలాలయ తిరువీధుల్లో నరసింహ స్వామిని ఊరేగించారు.

యాదాద్రి శ్రీలక్ష్మీ నరసింహస్వామి పుణ్య క్షేత్రంలో అధ్యయనోత్సవాలు అత్యంత వైభవోపేతంగా జరుగుతున్నాయి. అధ్యయనోత్సవాల్లో భాగంగా రెండో రోజు స్వామివారు వేణుగోపాలస్వామి అవతారంలో భక్తులకు దర్శనమిచ్చారు. బాలాలయ తిరువీధుల్లో స్వామివారు ఊరేగుతూ భక్తులకు కనువిందు చేశారు.

ప్రత్యేకమైన పూలు, వజ్రాభరణాలతో స్వామివారిని అర్చకులు సర్వాంగ సుందరంగా అలంకరించారు. లోక కల్యాణం కోసం నారసింహుడు వేణుగోపాలస్వామి అవతారం ఎత్తారని తెలిపారు.

ఇదీ చదవండి:'రైతు లేనిదే వ్యవసాయం లేదు.. సాగు లేనిదే తెలంగాణ లేదు'