'విద్యార్థుల నుంచే శాస్త్రవేత్తలు ఉద్భవిస్తారు'

విద్యార్థులలో ఉన్న శాస్త్రవేత్తలను వెలికి తీయడానికి ఉపాధ్యాయుల పాత్ర ఎంతగానో ఉంటుందని విద్యుత్​శాఖ మంత్రి జగదీశ్​రెడ్డి అన్నారు. విద్యార్థుల నుంచే శాస్త్రవేత్తలు ఉద్భవిస్తారని మంత్రి తెలిపారు. భువనగిరిలో ఏర్పాటు చేసిన జిల్లాస్థాయి జవహర్​లాల్​ నెహ్రూ జాతీయ సైన్స్​ మ్యాథ్స్​ ఎన్విరాన్మెంట్​ ఎగ్జిబిషన్​ను ప్రారంభించారు.

యాదాద్రి భువనగిరి జిల్లా భువనగిరి పట్టణంలో జిల్లా విద్యాశాఖ ఆధ్వర్యంలో ఏర్పాటుచేసిన 47వ జిల్లాస్థాయి జవహర్ లాల్ నెహ్రూ జాతీయ సైన్స్, మ్యాథ్స్ ఎన్విరాన్మెంటల్ ఎగ్జిబిషన్​ను మదర్ థెరిసా పాఠశాలలో రాష్ట్ర విద్యుత్ శాఖ మంత్రి గుంటకండ్ల జగదీశ్​రెడ్డి ప్రారంభించారు. కార్యక్రమంలో ఎమ్మెల్యేలు గదారి కిషోర్, గొంగిడి సునీత మహేందర్ రెడ్డి, ఉపాధ్యాయ ఎమ్మెల్సీ నర్సిరెడ్డి, జిల్లా కలెక్టర్ అనిత రామచంద్రన్ , జెడ్పీ ఛైర్మన్ ఎలిమినేటి సందీప్ రెడ్డి, జిల్లా విద్యాశాఖ అధికారి చైతన్య జైని, విద్యాశాఖ అధికారులు పాల్గొన్నారు.
విద్యార్థులు ఏర్పాటు చేసిన ప్రదర్శనలు ఆసక్తిగా తిలకించారు. విద్యార్థులలో ఉన్న శాస్త్రవేత్తలను వెలికి తీయటానికే ఈ కార్యక్రమాన్ని నిర్వహిస్తున్నారని, విద్యార్థుల నుంచే శాస్త్రవేత్తలు ఉద్భవిస్తారని మంత్రి జగదీశ్​రెడ్డి అన్నారు. ఆలోచన వివిధ పరికరాలను సృష్టించగలిగిందన్నారు.
విద్యార్థులను తీర్చిదిద్దడంలో ఉపాధ్యాయుల పాత్ర ఎంతో ఉందన్నారు. వారిలో ఉన్న సృజనాత్మకతను గుర్తించి ప్రోత్సహించే విధంగా కృషిచేయాలని ఉపాధ్యాయులకు సూచించారు. గొప్ప ఆవిష్కరణలకు ప్రభుత్వం తరపున సాయం అందిస్తామన్నారు. ఈ విద్య వైజ్ఞానిక ప్రదర్శనకు జిల్లా నలుమూల నుంచి విద్యార్థులు ఉత్సాహంగా ప్రదర్శనలో పాల్గొన్నారు.

ఇదీ చూడండి: సోయి లేకుండానే దారుణాలు..!