తెలంగాణలో ప్రసిద్ధి గాంచిన శ్రీ లక్ష్మీనరసింహస్వామి ఆలయాన్ని మహా దివ్వంగా రూపొందించే ప్రణాళికతో యాడా కొండపై హరిహరుల ఆలయాలతో సహా ఇతర కట్టడాలను త్వరితగతిన పూర్తి చేయాలని సంకల్పించింది. ఆ మేరకు ప్రస్తుతం విష్ణు పుష్కరణి చెంత గల రెండంతస్తుల భవన సముదాయాన్ని దైవ దర్శనాలకై వేచి ఉండే భక్తుల కోసం.. వరుసల ఏర్పాట్లతో తీర్చిదిద్దనున్నారు.
ఆ పనులు చకచకా నిర్వహించేందుకు ఆ భవన సముదాయంలో జరుగుతున్న వ్రతాలను మరో చోటికి తరలించాలని యాడా దేవాలయ నిర్వాహకులకు గత అక్టోబర్లో సూచించింది. అత్యంత పవిత్ర మాసంగా ఆరాధించే భక్తుల సామూహిక వ్రతాలను కొండపై జరపాలని దేవస్థానం నిర్ణయించింది. ఇక వచ్చే ఆదివారం నాటితో కార్తిక మాసం ముగియనుంది. దీనితో వ్రతాల నిర్వహణ మరోచోట కొనసాగనుంది.