ఏప్రిల్​ 2న భువనగిరిలో కేసీఆర్ సభ

తెరాస అధినేత కేసీఆర్ పార్లమెంట్ ఎన్నికల ప్రచారంలో భాగంగా ఈ నెల 29 నుంచి ఏప్రిల్ 4 వరకు రాష్ట్రవ్యాప్తంగా సుడిగాలి పర్యటనలు చేయనున్నారు. దీనిలో భాగంగా ఏప్రిల్ 2న భువనగిరిలో పర్యటించనున్నారు. సభాస్థలిని స్థానిక ఎమ్మెల్యే పైళ్ల శేఖర్ రెడ్డి పరిశీలించారు.

పార్లమెంట్ ఎన్నికల ప్రచారంలో భాగంగా ఏప్రిల్ 2న భువనగిరి పట్టణంలో నిర్వహించనున్న తెరాస సభకు ముఖ్యమంత్రి కల్వకుంట్ల చంద్రశేఖర్ రావు హాజరుకానున్నారు. ఈ నేపథ్యంలో భువనగిరి ఎమ్మెల్యే పైళ్లశేఖర్ రెడ్డి, నియోజకవర్గ ఇంఛార్జీ, ఎంపీబడుగు లింగయ్య యాదవ్​తో కలిసి సభా స్థలిని పరిశీలించారు. సభకు భారీగా నాయకులు, కార్యకర్తలు రానున్న నేపథ్యంలో అందుకు తగట్టుగా ఏర్పాట్లు చేయాలని కార్యకర్తలను ఆదేశించారు.

ఇవీ చూడండి:శరత్​... నేను కేసీఆర్​ను మాట్లాడుతున్నా...!