పాలకుర్తిలో కేసీఆర్​ పర్యటన.. భువనగిరిలో పోలీసుల పటిష్ట భద్రత

ముఖ్యమంత్రి కేసీఆర్ శనివారం జనగామ జిల్లా పాలకుర్తి పర్యటన నేపథ్యంలో పోలీసుల యంత్రాంగం అప్రమత్తమయ్యింది. యాదాద్రి భువనగిరి మీదుగా రోడ్డు మార్గం ద్వారా వెళ్లనున్న క్రమంలో పటిష్ట బందోబస్తు చేపట్టారు.

సీఎం కేసీఆర్​ యాదాద్రి భువనగిరి జిల్లా మీదుగా జనగామ జిల్లా పాలకుర్తి వెళ్తున్నట్లు సమాచారం మేరకు పోలీస్ యంత్రాంగం అప్రమత్తమయ్యింది. జిల్లాలో సీఎం ప్రయాణించే రోడ్డు మార్గంలో పోలీసులు పటిష్ట భద్రతా చర్యలు చేపట్టారు.

జగదేవ్​పూర్ నుంచి తుర్కపల్లి, భువనగిరి, ఆలేరు మీదుగా సీఎం కాన్వాయ్ వెళ్లనుంది. సీఎం భద్రత కోసం 250 మంది పోలీసు సిబ్బందితో పాటు, ఒక డీసీపీ, ముగ్గురు ఏసీపీలు, ఐదుగురు సీఐలు, ఎనిమిది మంది ఎస్సైలు బందోబస్తు నిర్వహిస్తున్నారు.

ఇదీ చూడండి:దేశానికి ఎప్పటికైనా అన్నం పెట్టే సత్తా కేవలం తెలంగాణదే: మంత్రి ఈటల