యాదాద్రి భువనగిరి జిల్లా మోత్కూరు మున్సిపాలిటీ కేంద్రంలో చిన్న వయసులోనే తల్లిదండ్రులు కోల్పోయి అనాథలుగా మారిన బాధితుల సహాయార్థం దాతలు ముందుకు వస్తున్నారు. ఈ క్రమంలో స్థానిక ఎస్ఐ ఉదయ్ కిరణ్ తన సిబ్బందితో కలిసి చిన్నారులను పరామర్శించారు.
అనాథ అనే భావన రానీయకూడదు...
అనంతరం తమ వంతు సాయంగా ఐదు వేల రూపాయలు ఆర్థిక సాయాన్ని అందించి పిల్లలకు ధైర్యం కల్పించారు. తాము అనాథ అనే భావనను మనసులో నుంచి తుడిచివేయాలని ఎస్సై ఉదయ్ కిరణ్ సూచించారు. కష్టపడి చదివి ఉన్నత స్థాయికి ఎదగాలని ఆయన ఆకాంక్షించారు.