Yadadri brahmotsavalu 2022: ఘనంగా.. యాదాద్రి బ్రహ్మోత్సవాలు

Yadadri brahmotsavalu 2022: యాదాద్రి శ్రీలక్ష్మీ నరసింహ స్వామి వార్షికోత్సవ బ్రహ్మోత్సవాలు ఘనంగా జరుగుతున్నాయి. సోమవారం స్వామి వారు వటపత్రశాయి అలంకారంలో భక్తులకు దర్శనమిచ్చారు. మార్చి 12న రథోత్సవం నిర్వహిస్తామని ఆలయ అధికారులు తెలిపారు.

Yadadri brahmotsavalu 2022: యాదాద్రి శ్రీలక్ష్మీ నరసింహ స్వామి వారి ఆలయంలో వార్షిక బ్రహ్మోత్సవాలు అంగరంగ వైభవంగా కొనసాగుతున్నాయి. స్వామి అమ్మవార్లకు ప్రత్యేకంగా వివిధ అవతారాలలో అలంకరించి ఉదయం, సాయంత్రం ఊరేగిస్తున్నారు. సోమవారం స్వామివారు వటపత్రశాయి రూపంలో భక్తులకు దర్శనమిచ్చారు.

సోమవారం స్వామి వారిని గవర్నర్ తమిళిసై సౌందరరాజన్ దర్శించుకున్నారు. కాకతీయ సిమెంట్ అండ్ షుగర్ సంస్థల అధినేత పల్లెంపాటి వీరయ్య 32 సాలగ్రామములతో ఉన్న బంగారు హారాన్ని స్వామికి సమర్పించారు.

మార్చి 10వ తేదీన ఎదుర్కోలు‌, 11న తిరుకల్యాణం, 12రథోత్సవం నిర్వహించనున్నట్టు ఆలయ అధికారులు తెలిపారు.

ఇదీ చదవండి: మూడో రోజు అంగరంగ వైభవంగా యాదాద్రీశుడి బ్రహ్మోత్సవాలు