కమనీయంగా నృసింహుడి కల్యాణం

యాదాద్రిలో కొలువైన శ్రీ లక్ష్మీ నరసింహస్వామి కల్యాణం అంగరంగా వైభవంగా జరిగింది. వేద మంత్రోచ్ఛారణలు, మంగళ వాయిద్యాల నడుమ స్వామి వారు అమ్మవారికి మాంగల్య ధారణ చేశారు.

యాదాద్రి శ్రీ లక్ష్మీ నరసింహస్వామి కల్యాణం కన్నులుపండువగా సాగింది. వేద మంత్రోచ్ఛారణలు, మంగళ వాయిద్యాల మధ్య బాలాలయంలో జరిగిన ఈ వేడుకకు గవర్నర్ నరసింహన్ దంపతులు హాజరై పట్టువస్త్రాలు, ముత్యాల తలంబ్రాలు సమర్పించారు.లక్ష్మీ సమేత నరసింహుని కల్యాణ దృశ్యాలు తిలకించిన భక్తులు తన్మయత్వం చెందారు. ఉదయం పంచనారసింహుడు గజ వాహనంపై ఊరేగుతూ భక్తులకు దర్శనమిచ్చారు.

బాలాలయంలో జరిగిన ఈ వేడుకను అందరూ ప్రత్యక్షంగా తిలకించేందుకు అవకాశం లేనందున.. రాత్రికి కొండ కింద గల జడ్పీ ఉన్నత పాఠశాల మైదానంలో మరోసారి కల్యాణం జరిపేందుకు భారీ ఏర్పాట్లు చేశారు.

ఇవీ చదవండి :పట్టువస్త్రాలు సమర్పించిన గవర్నర్​ దంపతులు